மாமா ரஜினிக்கு கிடைக்காத பெருமை மாப்ள தனுஷுக்கு கிடைக்குமா?

கார்த்திக் சுப்பராஜ்

தனுஷ் அடுத்ததாக கார்த்திக் சுப்பராஜ் இயக்கத்தில் நடிக்க உள்ளார். இந்த படத்தை தேனாண்டாள் பிலிம்ஸ் தயாரிக்கும் என்று கூறப்படுகிறது. படத்தின் பெரும்பாலான பகுதியை வெளிநாட்டில் படமாக்குகிறார்கள்.

அல் பசினோ

காட் ஃபாதர் பட புகழ் ஹாலிவுட் நடிகரான அல் பசினோவை தனுஷின் படத்தில் முக்கிய கதாபாத்திரத்தில் நடிக்க வைக்க பேச்சுவார்த்தை நடந்து வருகிறதாம். அல் பசினோ இன்னும் சம்மதம் தெரிவிக்கவில்லை என்று கூறப்படுகிறது.

மார்கன் ஃப்ரீமேன்

முன்னதாக பிரபல ஹாலிவுட் நடிகர் மார்கன் ஃப்ரீமேனை நடிக்க வைக்க முயற்சி மேற்கொள்ளப்பட்டதாம். ஆனால் அந்த முயற்சி பலன் அளிக்காததை அடுத்து அல் பசினோவை அணுகியுள்ளார்களாம்.

தனுஷ்

தனுஷ் படத்தின் படப்பிடிப்பின் பெரும்பகுதி அமெரிக்காவில் உள்ள நியூயார்க் நகரில் நடக்குமாம். முன்னதாக ஷங்கர் தனது 2.0 படத்தில் ஹாலிவுட் நடிகர் அர்னால்டு ஸ்வார்ஸ்நெக்கரை நடிக்க வைக்க முயற்சி செய்தார் என்பது குறிப்பிடத்தக்கது.