Don't Miss!
- News தஞ்சை பெரிய கோயில் தேரோட்டம்.. தஞ்சாவூர் மாவட்டம் முழுக்க இன்று பள்ளி, கல்லூரிகளுக்கு இன்று விடுமுறை
- Sports மொத்த பேட்டிங் ஆர்டரும் மாறிப்போச்சு.. ருதுராஜ் செய்த சொதப்பல்.. சிஎஸ்கே தோல்விக்கு காரணம் என்ன?
- Automobiles பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- Lifestyle ஆண்களே! அனைத்து பெண்களுக்கும் உங்கள பிடிக்கணுமா? அப்ப சாணக்கியர் சொல்லும் இந்த 6 குணங்களை வளர்த்துக்கோங்க!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
ஹாலிவுட்காரங்க என் கதையைச் சுட்டுட்டாங்க - ஒரு உதவி இயக்குநரின் அடேங்கப்பா கம்ப்ளெயின்ட்!
பொதுவாக எந்த தமிழ் சினிமாவைப் பார்த்தாலும் அது ஏதாவது ஒரு ஹாலிவுட் படத்தின் அட்ட காப்பி அல்லது கொரிய-ஈரானிய-ஸ்பானிஷ் படங்களின் சுட்ட காப்பி என்று துவைத்து தொங்கப் போடுவது சமீபத்திய ட்ரெண்ட்.
ஆனால் முதல் முறையாக, தன் கதையை காப்பியடித்து ஒரு மெகா பட்ஜெட் ஹாலிவுட் படத்தை எடுத்திருக்கிறார்கள் என்று ஒரு தமிழ் சினிமா உதவி இயக்குநர் புகார் கூறியுள்ளார்.
அது மட்டுமல்ல, இது தொடர்பாக காப்புரிமைச் சங்கம், உயர்நீதிமன்றம், உச்சநீதி மன்றம் என சட்ட ரீதியான போருக்கும் அவர் தயாராகி வருகிறார்.
அவர் பெயர் பரஞ்சோதி. தேவகோட்டையைச் சேர்ந்த 35 வயது உதவி இயக்குநர். தெனாவட்டு என்ற படத்தில் உதவி இயக்குநராகப் பணியாற்றிய அவர், சில குறும்படங்களையும் எடுத்துள்ளார்.
இவர் தன் கதையைக் காப்பியடித்து எடுத்ததாகக் குற்றம்சாட்டும் ஹாலிவுட் படம் கிரேவிட்டி. 80 மில்லியன் டாலர் செலவில் படமாக்கப்பட்டுள்ள இந்த ஆக்ஷன் த்ரில்லர் விரைவில் வெளியாகப் போகிறது.
2007-ல் இந்தக் கதையை ஆஸ்திரேலியாவில் ஹாலிவுட் படங்களை விநியோகிக்கும் பீட்டர் ஆல்வின் என்பவரிடம் சென்னையில் வைத்துச் சொன்னாராம். இதற்கு இங்குள்ள ஒரு நண்பர் உதவி செய்தாராம்.
பரஞ்சோதி சொன்ன கதை ரொம்பப் பிடித்துப் போனதால், முழு ஸ்கிரிப்டையும் கொடுக்குமாறு கேட்டாராம் பீட்டர் ஆல்வின். அவரிடம் முழு ஸ்ரிப்டையும் கொடுக்கும்போதே, எச்சரிக்கையாக இந்திய காப்புரிமை அமைப்பிடமும், மேற்கு அமெரிக்காவின் ரைட்டர்ஸ் கில்டிலும் பதிவு செய்துள்ளார் பரஞ்சோதி.
இப்போது கிரேவிட்டி படத்தின் கதையும் தன் கதையும் ஒரே மாதிரியானவை என்பது தெரிய வந்ததும் தன் நண்பர் மூலம் பீட்டர் ஆல்வினைத் தொடர்பு கொள்ள முயன்றுள்ளார். ஒரு கட்டத்தில் நண்பர் இவரது போனை எடுக்காமல் தவிர்த்தாராம். பேஸ்புக்கிலும் இவரை ப்ளாக் செய்து விட்டாராம்.
பீட்டர் ஆல்வின் இவரது தொடர்பு எல்லைக்கு உள்ளேயே வரவில்லையாம். எனவேதான் நீதிமன்றக் கதவைத் தட்ட ஆரம்பித்துள்ளார் பரஞ்சோதி.
சரி.. என்னதான் கதை?
60000 உயரத்தில் பறக்கும் ஒரு செயற்கைக் கோளுக்கு உதவ வரும் ஒரு போயிங் 777 விமானம் சிக்கலுக்குள்ளாகிறது. அதை மையப்படுத்தி பரஞ்சோதி ஸ்க்ரிப்ட் செய்துள்ளார்.
கிரேவிட்டி கதையில், போயிங் விமானமில்லை... மாறாக அது செயற்கைக் கோள் என மாற்றப்பட்டுள்ளதாம். மற்றபடி சீன் பை சீன் அது என் கதைதான் என்கிறார் பரஞ்சோதி.