Don't Miss!
- News உயிரை கையில புடிச்சுகிட்டு போகவேண்டி இருக்கே! கிளாம்பாக்கம் வாசலில் நடக்கும் திக்.. உடனே கவனிக்கணும்
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Lifestyle சாணக்கிய நீதி படி இந்த 5 விஷயங்களை உங்க மனைவியிடம் நீங்க சொன்னா உங்களால் நிம்மதியாவே வாழ முடியாதாம்...!
- Sports IPL 2024 : ஒரு சம்பவம்.. 3 அணிகளின் சோலியும் முடிஞ்ச்.. அம்பானியை கிண்டல் செய்யும் சிஎஸ்கே ஃபேன்ஸ்!
- Technology வாங்குனா நீதான்.. இயர்பட்ல டால்பி அட்மோஸ்.. ஹெட் டிராக்கிங்.. வயர்லெஸ் சார்ஜிங்.. எந்த மாடல்?
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ஹாலிவுட் ஸ்டண்ட் மாஸ்டர்களை களமிறக்கும் ஷங்கர்... ரஜினி-அக்ஷய் சண்டைக்காக
சென்னை: எந்திரன் படத்தின் 2 வது பாகமாக உருவாகி வரும் 2.0 படத்தின் சண்டைக் காட்சிகளுக்காக ஹாலிவுட் சண்டைப் பயிற்சியாளர்கள் சென்னை வந்துள்ளனர்.
ஷங்கர் இயக்கத்தில் ரஜினி, அக்ஷய்குமார், எமி ஜாக்சன் மற்றும் பல முன்னணிக் கலைஞர்கள் இணைந்து பணியாற்றி வரும் படம் 2.0.
இப்படத்தில் ரஜினி நாயகனாக நடிக்க அவருக்கு வில்லனாக பாலிவுட் நாயகன் அக்ஷய்குமார் நடித்து வருகிறார்.
2.0
ரஜினி, அக்ஷய்குமார், எமி ஜாக்சன் ஆகியோரின் நடிப்பில் உருவாகி வரும் படம் 2.0. ஏ.ஆர்.ரகுமான் இசையமைக்கும் இப்படத்திற்கு நீரவ் ஷா ஒளிப்பதிவு செய்து வருகிறார். இப்படத்தை சுமார் 350 கோடிகளுக்கும் அதிகமான பொருட்செலவில் லைக்கா நிறுவனம் பிரமாண்டமாக தயாரித்து வருகிறது.
டிரான்ஸ்பார்மர்ஸ்
இப்படத்தின் சண்டைக் காட்சிகளை பிரமாண்டமாக எடுக்கத் திட்டமிட்ட ஷங்கர் அதற்காக, 'டைஹார்ட்' மற்றும் 'டிரான்ஸ்பார்மர்ஸ்' படங்களில் பணியாற்றிய கென்னி பேட்ஸை ஏற்கனவே வரவழைத்திருந்தார்.
டார்க் நைட்
இந்நிலையில் தற்போது 'டார்க் நைட்' மற்றும் 'பேட் மேன் Vs சூப்பர் மேன்' படங்களில் பணியாற்றிய ஆரோன் கிரிப்பையும் ஷங்கர் வரவழைத்திருக்கிறார். கென்னி பேட்ஸ் மற்றும் ஆரோன் கிரிப் இருவரும் தற்போது ஈவிபி பிலிம் சிட்டியில் நடைபெறும் படப்பிடிப்பில் கலந்து கொண்டுள்ளனர்.
ஸ்டண்ட் சில்வா
ஹாலிவுட் சண்டைப் பயிற்சியாளர்கள் மேற்பார்வையில் இப்படத்தின் சண்டைக்காட்சிகளை எடுக்க படக்குழு திட்டமிட்டுள்ளது. ஏற்கனவே இந்தப் படத்தில் கோலிவுட் சண்டைப் பயிற்சியாளர் ஸ்டண்ட் சில்வா மற்றும் அவரது உதவியாளர்கள் பணியாற்றிவருவது குறிப்பிடத்தக்கது.
இந்தியளவில்
2.0 படம் முழுவதுமே 3டி தொழில்நுட்பத்தில் ஒளிப்பதிவு செய்யப்படுகிறது. இந்திய அளவில் 3டி தொழில்நுட்பத்தில் ஒளிப்பதிவு செய்யப்பட்டு வரும் முதல் படம் '2.0' என்பது குறிப்பிடத்தக்கது.