Click it and Unblock the Notifications
Oscars: ஆஸ்கரை தவறவிட்ட ஹோம்பவுண்ட்.. கரண் ஜோஹரின் எமோஷனல் போஸ்ட்!
சென்னை: நீரஜ் கைவன் இயக்கத்தில், இஷான் கட்டர், விஷால் ஜேத்வா ஆகியோர் நடித்த 'ஹோம்பவுண்ட்' திரைப்படம் ஆஸ்கர் 2026 பந்தயத்தில் இருந்து அதிகாரப்பூர்வமாக வெளியேறியுள்ளது. சிறந்த சர்வதேச திரைப்படப் பிரிவில் இந்தியாவின் அதிகாரப்பூர்வப் பிரதிநிதியாகப் பரிந்துரைக்கப்பட்டிருந்த இப்படம், வெளியான அகாடமி விருதுகள் 2026 பரிந்துரைப் பட்டியலில் இடம் பெறவில்லை.
2026-ன் சிறந்த இந்தியப் படங்களில் ஒன்றாகக் கருதப்பட்ட 'ஹோம்பவுண்ட்', அதன் பிரிவில் ஆஸ்கர் பரிந்துரையைப் பெறவில்லை. பிரேசிலின் 'தி சீக்ரெட் ஏஜென்ட்', பிரான்சின் 'இட் வாஸ் ஜஸ்ட் அன் ஆக்சிடென்ட்', நார்வேயின் 'சென்டிமென்டல் வேல்யூ', ஸ்பெயினின் 'சீரத்', துனிசியாவின் 'தி வாய்ஸ் ஆஃப் ஹிந்த் ரஜாப்' ஆகிய ஐந்து படங்கள் இந்தப் பட்டியலில் இடம்பிடித்துள்ளன.
'ஹோம்பவுண்ட்' ஆஸ்கர் 2026 பரிந்துரையைப் பெறும் என நம்பியிருந்த இந்தியத் திரையுலக ரசிகர்களுக்கு இந்த முடிவு ஏமாற்றமளித்துள்ளது. திரைப்பட ஆர்வலர்கள் சமூக வலைத்தளங்களில் தங்கள் ஆழ்ந்த வருத்தத்தை உணர்வுபூர்வமான பதிவுகள் மூலம் வெளிப்படுத்தி வருகின்றனர்.
பெருமை: பரிந்துரை கிடைக்காத போதிலும், தயாரிப்பாளர் கரண் ஜோஹர், படத்தின் மீதுள்ள அன்பையும், இயக்குநர் நீரஜ் கைவன் மீதான பாராட்டையும் சமூக வலைத்தளத்தில் வெளிப்படுத்தினார். "பெருமை!!! உங்களது வெளிச்சத்தில் நாங்கள் மகிழ அனுமதித்த உங்களை விரும்புகிறேன் நீரஜ் கைவன்!" என்று அவர் பகிர்ந்தார். 'ஹோம்பவுண்ட்' படக் காட்சிகளைக் கொண்ட படத்தொகுப்பையும் இணைத்திருந்தார்.
நீரஜ்: இதற்குப் பதிலளிக்கும் விதமாக, இயக்குநர் நீரஜ் கைவன், கரண் ஜோஹரின் இன்ஸ்டாகிராம் ஸ்டோரியை மறுபகிர்வு செய்தார். அதனுடன், "நன்றி கரண் ஜோஹர்! நீங்கள் எனக்கு எப்போதுமே உறுதுணையாக இருந்தீர்கள். நீங்கள் இல்லாமல் இவ்வளவு தூரம் வந்திருக்க முடியாது. லைவ் யூ." என்ற செய்தியையும் பதிவிட்டார்.
அமீர்கான்: கடந்த 25 ஆண்டுகளுக்கும் மேலாக, பல பாராட்டப்பட்ட இந்தியப் படங்கள் அனுப்பப்பட்ட போதிலும், சிறந்த சர்வதேச திரைப்படப் பிரிவில் இந்தியா பரிந்துரை பெறவில்லை. ஆமீர்கான் நடித்த, அசுதோஷ் கோவாரிகர் இயக்கிய 'லகான்' திரைப்படம் தான் இந்தப் பிரிவில் கடைசியாக ஆஸ்கர் பரிந்துரை பெற்ற இந்தியப் படம்.
Continue with Google