இசையின் பாட்டு.. இமான் அண்ணாச்சியின் நாடகம்.. பிரியங்காவின் சட்டை.. களைகட்டியது கமல் பிறந்தநாள்!

பிறந்தநாள் கொண்டாட்டம்

சகல கலா வல்லவன் படத்தில் இடம்பெற்ற ஹேப்பி நியூ இயர் பாடலை ஹேப்பி பர்த்டே பாடலாக மாற்றி பிக் பாஸ் போட்டியாளர்கள் கமல் சாருக்கு பிறந்தநாள் வாழ்த்துக்களை தெரிவித்தனர். மேலும், பர்த் டே கேக் கேட்க விருமாண்டி பாடல் ட்யூனில் பிச்சை எடுக்காத குறையாக பிரியங்கா அண்ட் கோ கமல் சாரிடம் கேட்க கேக் மற்றும் பிரியாணி ஹவுஸ்மேட்களுக்கு வழங்கப்பட்டன.

ஐக்கியின் ராப் பாடல்

இந்திய சினிமாவின் பெருமைமிகு பொக்கிஷமாக திகழும் உலகநாயகன் கமல் சாரின் 67வது பிறந்தநாளை முன்னிட்டு பிக் பாஸ் போட்டியாளரான ஐக்கி பெர்ரி பாடிய ராப் இசை பாடல் கமலுக்கு மிகவும் பிடித்து போனது. பாடல் முழுவதும் அரசியல் நெடிகளும் அதிகமாகவே காணப்பட்டன.

இசையின் இடிமுழக்கம்

இத்தனை நாள் இதை எல்லாம் எங்கேம்மா வச்சி இருந்த இசை என கேட்கும் அளவுக்கு கமலை பற்றிய அட்டகாசமான கானா பாடலை பாடி இசைவாணி ரசிகர்களின் பாராட்டுக்களை வெகுவாக கவர்ந்தார். ஐக்கியின் பாடலை விட இசையின் பாடலை கமல் சற்று கூடுதலாக ரசித்துக் கேட்டார். அதற்கு காரணம் நாம சொன்னதை புரிந்து கொண்டு இசை பாட ஆரம்பித்துள்ளாரே என்கிற பூரிப்பாக கூட இருக்கும்.

தாமரைக்கு நம்பர் தரமாட்டார்

இமான் அண்ணாச்சி மற்றும் தாமரை செல்வியின் பாலசந்தர் கமலை நாயகனாக ஆக்கிய டிராமா ரசிகர்களால் வெகுவாக ரசிக்கப் பட்டது. இருவரும் சிறப்பாக நடித்து அசத்தினர். கடைசியாக தாமரைக்கு நம்பர் தரமாட்டார் என இமான் அண்ணாச்சி டபுள் மீனிங் கோலையும் போட்டார். கமல் சார் ஒரு படி மேலே சென்று அந்த கதையில் நண்பர் ரஜினிகாந்தையும் இணைத்துக் கொண்டது ரசிகர்களை ஆச்சர்யத்தில் ஆழ்த்தியது.

ராஜுவின் பயம்

இமான் அண்ணாச்சி மற்றும் தாமரை போட்ட அந்த டிராமாவை ராஜு தான் எழுதினார் என்று சொன்னதும் ஏகப்பட்ட கைதட்டல்கள் ஒலித்தன. அதனை தொடர்ந்து ராஜு பிக் பாஸ் வீட்டில் தன்னுடைய பயம் என தெனாலி பட வசனம் போல பிக் பாஸ் வீட்டில் தனக்கு பிடிக்காதவர்களை தாக்கிப் பேசியது போல கலாய்த்து பேசியதை மிகவும் ரசித்தார் கமல்.

பிரியங்கா சட்டை

கடைசியாக கமலுக்கு அதிரடியாக பிறந்தநாள் கவிதை வாசிக்கிறேன் என்கிற பெயரில் இந்த வாரம் எவிக்‌ஷன் வேண்டாம் என ஐஸ் வைத்தார். ஆனால், அது முடியாது என சுருதியை வெளியேற்றி விட்டார் கமல். பிரியங்காவும் கமல் சாரை போலவே கருப்பு சட்டை, வேட்டி அணிந்து கொண்டு செம மாஸாக அமர்ந்து இருந்தார். மேலும், அவரது சட்டையில் கமல் சார் படமும், உங்கள் நான் வாசகமும் இடம் பெற்று இருந்ததை காட்ட கமலே கொஞ்சம் கடுப்பாகி விட்டார்.