ஓயாத சர்ச்சையில் ஃபேமிலிமேன் 2...சமந்தா வாங்கிய சம்பளம் எவ்வளவு தெரியுமா ?

பாராட்டை பெற்ற சமந்தாவின் நடிப்பு

சமந்தா நடித்துள்ள ராஜி கேரக்டர் தான் பலரின் கவனத்தை ஈர்த்துள்ளது. சமந்தாவின் நடிப்பு, ஆக்ஷன் காட்சிகள் பெரிய அளவில் பாராட்டை பெற்றுள்ளன. இந்த வெப் சீரிஸ் எதிர்பார்த்ததை விட நல்ல வரவேற்பை பெற்றுள்ளதால், இதற்காக சமந்தா பெற்ற சம்பளம் பற்றிய ரகசியத்தை படக்குழு வெளியிட்டுள்ளது.

3 மடங்கு சம்பளம் வாங்கிய சமந்தா

இந்த வெப் சீரியசிற்காக வழக்கமாக பெறும் சம்பளத்தை விட 3 மடங்கு அதிகம் பெற்றுள்ளாராம் சமந்தா. வழக்கமாக தனது படங்களுக்கு ரூ.1 கோடி முதல் ரூ.1.5 கோடி வரை தான் சம்பளம் வாங்குவாராம். தமிழ், தெலுங்கு என இரு மொழி படங்களுக்கும் இந்த தொகையை தான் சம்பளமாக பெற்று வருகிறார்.

வெப் சீரிசிற்கு இவ்வளவு சம்பளமா

ஆனால் தி ஃபேமிலிமேன் 2 வெப் சீரிசிற்காக ரூ.3 முதல் 4 கோடிகளை சம்பளமாக வாங்கி உள்ளாராம். இந்த தகவல்கள் தான் தற்போது இணையத்தில் வைரலாக பரவி வருகிறது. சமந்தாவை போன்ற மற்ற நடிகர், நடிகைகளும் இந்த வெப் சீரிசிற்காக பெற்ற சம்பள தொகையும் வெளியிடப்பட்டுள்ளது.

மலைக்க வைத்த மனோஜின் சம்பள தொகை

இதில் ஹீரோவாக நடித்த மனோஜ் பாஜ்பாய் ரூ.10 கோடியை சம்பளமாக பெற்றுள்ளார். பிரியாமணிக்கு ரூ.80 லட்சம் சம்பளமாக கொடுக்கப்பட்டுள்ளது. இவர்களின் சம்பள தொகையை கேட்டு பலரும் அதிர்ச்சி தெரிவித்துள்ளனர்.