காலையிலேயே கிருஷ்ண ஜெயந்திக்கு வாழ்த்து சொன்ன ஹ்ரித்திக் ரோஷன்.. விக்ரம் வேதா தப்பிக்கணும்ல!

ஹ்ரித்திக் ரோஷனின் க்ரிஷ்

கிருஷ்ணரை குறிக்கும் வகையில் இந்திய சூப்பர் ஹீரோ படத்திற்கு க்ரிஷ் என்றே ஹ்ரித்திக் ரோஷன் டைட்டில் வைத்து க்ரிஷ் 3 வரை ரிலீஸ் செய்துள்ளார். அந்த படத்தில் அவரது பெயரும் கிருஷ்ணா தான். மேலும், ஹ்ரித்திக் ரோஷன் ஒரு சிறந்த கிருஷ்ண பக்தர் என்பதை அடிக்கடி வெளிப்படுத்தி உள்ளார். இன்றும் அதே போலத்தான் அவர் ட்வீட் போட்டிருக்கிறார்.

கிருஷ்ண ஜெயந்தி வாழ்த்து

பகவான் ஸ்ரீகிருஷ்ணர் அவதரித்த நாளாக கிருஷ்ண ஜெயந்தி விழா இன்று நாடு முழுவதும் கொண்டாடப்படுகிறது. கிருஷ்ண ஜெயந்தியை முன்னிட்டு அரசு விடுமுறையும் விடுக்கப்பட்டுள்ள நிலையில், மக்கள் கிருஷ்ணரை வழிபட்டு வருகின்றனர். இந்நிலையில், காலையிலேயே தனது ரசிகர்களுக்கு கிருஷ்ண ஜெயந்தி வாழ்த்தை ஹ்ரித்திக் ரோஷன் தெரிவித்துள்ளார்.

அந்த பயமா

அமீர்கானின் லால் சிங் சத்தா படத்துக்கு ஆதரவு தெரிவித்து ட்வீட் போட்ட நிலையில் நடிகர் ஹ்ரித்திக் ரோஷனின் விக்ரம் வேதா படத்தையும் தடை செய்ய வேண்டும் என பாய்காட் விக்ரம் வேதா டிரெண்டானது. பாலிவுட்டில் அதிகளவில் இந்து மத எதிர்ப்பு படங்கள் வெளியாகின்றன என்கிற அடிப்படையில் தான் இந்த பாய்காட் பாலிவுட் தொடர்ந்து டிரெண்டாகி வருகிறது.

விக்ரம் வேதாவை காப்பாத்தணும்ல

இந்நிலையில், காலையிலேயே கிருஷ்ண ஜெயந்தி வாழ்த்து சொன்ன நடிகர் ஹ்ரித்திக் ரோஷன் ட்வீட்டுக்கு கீழ் ஏகப்பட்ட நெட்டிசன்கள், விக்ரம் வேதா திரைப்படம் பாய்காட் டிரெண்டிங்கில் சிக்கக் கூடாது என்பதற்காகத்தான் ஹ்ரித்திக் ரோஷன் இப்படியொரு வாழ்த்து ட்வீட் போட்டுள்ளார் என்று ட்ரோல் செய்து வருகின்றனர். விக்ரம் வேதா இந்தி ரீமேக் திரைப்படம் வரும் செப்டம்பர் 30ம் தேதி திரைக்கு வருவது குறிப்பிடத்தக்கது.

ரசிகர்கள் ஆதரவு

அமீர்கான் படத்துக்கு சக நடிகராக அவர் ஆதரவு தெரிவித்தது தவறு இல்லை என்றும், நேரடியாக ஹ்ரித்திக் ரோஷன் படத்தை புறக்கணிக்க போராடும் அளவுக்கு அவர் எந்த தவறும் செய்யவில்லை என்றும், கிருஷ்ண ஜெயந்தி வாழ்த்து சொன்ன ஹ்ரித்திக் ரோஷனுக்கு பதில் வாழ்த்து சொல்லி ஏகப்பட்ட ரசிகர்கள் ஆதரவு கரம் நீட்டி உள்ளனர்.