Click it and Unblock the Notifications
வா பேயே வா... காஞ்சனா 2க்கு எகிறுது எதிர்ப்பார்ப்பு!
தமிழகம் முழுவதும் விநியோகஸ்தர்கள் மத்தியில் பெரிதும் எதிர்பார்ப்புக்குரிய படமாக 'காஞ்சனா 2' பார்க்கப்படுகிறது.
ராகவா லாரன்ஸ் இயக்கி நடித்திருக்கும் படம் 'காஞ்சனா 2'. டாப்ஸி, நித்யா மேனன், ஸ்ரீமன் உள்ளிட்ட பலர் இப்படத்தில் நடித்திருக்கிறார்.
சன் பிக்சர்ஸ் நிறுவனம் தயாரித்திருக்கும் இப்படத்தை தேனாண்டாள் பிலிம்ஸ் நிறுவனம் வெளியிடுகிறது.
படம் முழுவதுமாக முடிந்துவிட்டது. இந்த வாரம் சென்சார் செய்யப்பட்டு, ஏப்ரல் 17ம் தேதி வெளியிடுவதாக அறிவித்துள்ளனர்.
ரசிகர்கள் மத்தியில் மட்டுமல்ல, விநியோகஸ்தர்கள் மத்தியிலும் இப்படத்துக்கு பெரும் வரவேற்பு கிடைத்திருக்கிறது. பெரிய நடிகர்கள் படத்துக்கு வழங்கப்படும் முன்பண அடிப்படையில் இப்படத்தை வாங்க முன்வந்திருக்கிறார்கள்.
ரஜினி போன்ற முன்னணி நடிகர்கள் படம்தான் இப்படி விற்பனையாகும். எனவே லாரன்ஸ் தரப்பு ரொம்பவே மகிழ்ச்சியடைந்திருக்கிறது.
Continue with Google