ஏகப்பட்ட விரல்களை நீட்டும் சிவ கார்த்தி... கட்டுப்படியாகாது என்கிறார் பாண்டிராஜ்

ரஜினிமுருகன்...

பொங்கலுக்கு ரிலீசான ரஜினிமுருகன் வெற்றிகரமாக திரையரங்குகளில் ஓடிக்கொண்டிருக்கிறது. உடன் ரிலீசான மற்ற படங்களை விட அதிக வசூலையும் தந்து வருகிறது.

உயரும் சம்பளம்...

இவ்வாறு ஒவ்வொரு படங்கள் மூலமும் அதிகளவு ரசிகர்களைப் பெற்று வருகிறார் சிவகார்த்திக்கேயன். இதனால் அவரது வாய்ப்பும், சம்பளமும் அதிகரித்து வருகிறது.

தனுஷ்...

இந்த சூழ்நிலையில் சமீபத்தில் சிவகார்த்திக்கேயன் குறித்துப் பேசிய தனுஷ், ‘அவருக்கு சம்பளம் கொடுத்துக் கட்டுப்படியாகவில்லை' எனத் தெரிவித்திருந்தார். காரணம் ஆரம்பகட்டத்தில் சிவகார்த்திக்கேயனின் வளர்ச்சியில் அதிகம் உதவியவர் தனுஷ் என்றால் மிகையில்லை.

எதிர்நீச்சல்...

சிவகார்த்திக்கேயனை வைத்து அவர் எதிர்நீச்சல் படத்தை எடுத்திருந்தார். அப்படத்தில் அவர் பாடல் ஒன்றிலும் நடித்திருந்தார்.

பாண்டிராஜ்...

இந்நிலையில், பசங்க 2 மற்றும் கதகளி பட வெற்றியைத் தொடர்ந்து செய்தியாளர்களை நேற்று சந்தித்தார் இயக்குநர் பாண்டிராஜ். அப்போது சிவகார்த்திக்கேயனை வைத்து படம் தயாரிப்பீர்களா என செய்தியாளர்கள் கேள்வி எழுப்பினர்.

சிவகார்த்திக்கேயன்...

அதற்குப் பதிலளித்த பாண்டிராஜ், "கேடி பில்லா கில்லாடி ரங்கா' படத்திற்கு பிறகு சிவகார்த்திகேயனை வைத்து படம் பண்ணவேண்டும் என்ற திட்டம் இருந்தது. ஆனால், தற்போது சிவகார்த்திகேயன் வாங்கும் சம்பளம் எகிறி விட்டது.

எட்டாத உயரத்தில் சம்பளம்...

சம்பளத்தைக் கேட்டால் அவர் சில விரல்களை நீட்டுகிறார். எனவே, அவரை வைத்து படம் எடுக்கும் அளவிற்கு பசங்க புரொடக்‌ஷன் வளர வேண்டும்" என்றார்.