Exclusive : “சிம்பு.. யாஷிகா.. பிராச்சி.. நான்”.. மனம் திறக்கும் மஹத்!

பயம்:

அதில் கலந்து கொண்ட மஹத், ஒன் இந்தியாவிடம் பேசியதாவது, "பிக் பாஸ் நிகழ்ச்சிக்கு பிறகு வாழ்க்கை நன்றாக இருக்கிறது. நிறைய படங்கள் வருகின்றன. ஆனால் அதில் நல்ல கதைகளை மட்டுமே தேர்வு செய்கிறேன். ஒரு பக்கம் கொஞ்சம் ஓவராக போகிறோமோ என்ற பயம் இருக்கிறது. அதனால் வரும் படங்களை எல்லாம் ஒப்புக்கொள்வதில்லை.

வழிகாட்டி:

எனக்கு மிகப்பெரிய ஆதரவாக இருப்பது சிம்பு தான். ஒரு நண்பனாக மட்டும் இல்லை. ஒரு நல்ல வழிகாட்டியாகவும் சிம்பு இருக்கிறார். எனது படங்களின் கதைகளை கேட்டு தேர்வு செய்வதிலும் உதவுகிறார்.

நீண்ட நாள் ஆசை:

நானும் யாஷிகாவும் சேர்ந்து இந்த படத்தில் நடிக்கிறோம். இந்த படத்தை இளம் இயக்குனர்கள் மகேஷ் மற்றும் வெங்கடேஷ் ஆகியோர் இயக்குகின்றனர். தமன் இசையமைக்கிறார். தமனுடன் வேலை செய்ய வேண்டும் என்ற எனது நீண்ட நாள் ஆசை நிறைவேறி இருக்கிறது. இது ஒரு ஹாரர் த்ரில்லர் படம்.

காதலி பிராச்சி:

நானும் யாஷிகாவும் சேர்ந்து நடிப்பது குறித்து எனது காதலி பிராச்சிக்கு ஏற்கனவே தெரியும். அவர் எதுவும் தவறாக நினைக்க மாட்டார். ஏனென்றால் இது எனது வேலை என்பது அவருக்கு நன்றாக தெரியும்.

நேர்மையானவன்:

யாஷிகாவுக்கு நான் தான் வழிகாட்டியாக இருக்கிறேன் என நிறைய பேர் சொல்கிறார்கள். அது உண்மையல்ல. என்ன செய்ய வேண்டும் என்று அவருக்கு நன்றாகவே தெரியும். இந்த படத்தில் சேர்ந்து நடிப்பதால் எங்களை பற்றி நிறைய கிசுகிசுக்கள் வரலாம். அதை பற்றி எல்லாம் நான் கவலைப்பட மாட்டேன். ஏனென்றால் நான் நேர்மையாக நடக்கிறவன். மனதில் உள்ளதை வெளிப்படையாக பேசுபவன்", என இவ்வாறு அவர் தெரிவித்தார்.