உங்க காதலியை கொல்லாம விட மாட்டேன்: வாரிசு நடிகர் வீட்டு வாசலில் ரசிகை மிரட்டல்

வருண் தவான்

வருண் கலன்க் பட விளம்பர நிகழ்ச்சிகளில் பிசியாக இருப்பதால் அவரை சந்திக்க முடியாது என்று காவலாளிகள் அந்த ரசிகையிடம் கூறியுள்ளனர். இதை கேட்ட அந்த ரசிகை கடுப்பாகி கூச்சலிட ஆரம்பித்துள்ளார். நான் நடாஷாவை கொலை செய்யப் போகிறேன் என்று கத்தியுள்ளார். அவரை அடக்க முடியாததால் காவலாளிகள் வேறு வழியில்லாமல் போலீசாருக்கு தகவல் கொடுத்துள்ளனர்.

புகார்

வருண் தவான் வீட்டு காவலாளிகள் மும்பை சான்டா க்ரூஸ் பகுதி காவல் நிலையத்தில் அந்த ரசிகை மீது புகார் அளித்துள்ளனர். வருண் தவானிடம் வாக்குமூலம் வாங்கிய பிறகு எஃப்.ஐ.ஆர். பதிவு செய்யப்படுமாம்.

நோட்டம்

ரசிகை ஒருவர் வருண் சார் வீட்டை வெகுநேரமாக சுற்றி சுற்றி வந்தார். இது வழக்கமான ஒன்று தான் என்பதால் நாங்கள் முதலில் கண்டுகொள்ளவில்லை. ரசிகர்கள் தங்கள் எல்லையை தாண்டி இதுவரை நடந்து கொண்டது இல்லை. ரசிகர்கள் வீட்டு வாசலில் கூடி செல்ஃபி எடுக்க வேண்டும் என்று கோரிக்கை விடுத்தால் வருண் சார் சிரித்த முகத்துடன் போஸ் கொடுப்பார் என்கிறார்கள் காவலாளிகள்.

மிரட்டல்

தற்போது வருண் சார் பிசியாக இருப்பதால் அந்த ரசிகையை சந்திக்கவில்லை. ஆனால் அந்த பெண் திரும்பிச் செல்ல மறுத்து பிரச்சனை செய்தார். தன்னை தான் காயப்படுத்திக் கொள்வேன் என்று மிரட்டிய ரசிகை பின்னர் நடாஷா மேடத்தை கொலை செய்வேன் என்றார் என காவலாளிகள் தெரிவித்துள்ளனர்.