'இனி ஹீரோவாக நடிக்க மாட்டேன்'... தர்மபிரபு பார்த்த பிறகு யோகி பாபு அறிவிப்பு!

படத்தை ரசிக்கிறார்கள்

இதுகுறித்து அவர் கூறியதாவது, "ரசிகர்களுடன் அமர்ந்து படத்தை பார்த்தேன். நிறைய இடங்களில் கைத்தட்டி சிரித்ததை பார்க்க முடிந்தது. படத்துக்கு நல்ல வரவேற்பு கிடைத்திருப்பது மகிழ்ச்சியாக இருக்கிறது.

இனி நோ ஹீரோ

பத்திரிகையாளர்களும் உங்களுடைய கருத்தை சொல்லுங்கள். உங்களுக்கும் படம் பிடிக்கும் என நம்புகிறேன். இந்த படத்துல நடிச்சத்துக்கு பிறகு ஹீரோவாக நடிக்கக் கூடாதுன்னு முடிவு பண்ணிட்டேன். உலகத்துக்கே ஹீரோவாக இருக்கும் எமதர்மன் வேடத்தில் நடித்தது மகிழ்ச்சியான விஷயம்.

காமெடி மட்டும் தான்

இனி வழக்கம் போல காமெடி மட்டும் தான் செய்வேன். சிவகார்த்திகேயன், விஜய் சேதுபதி போன்ற ஹீரோக்களுடன் இணைந்து காமெடியனாக நடிப்பேன். இரண்டு நண்பர்களுக்காக தான் கதையில் நாயகனாக நடித்தேன். இனி ஹீரோவாக நடிக்க போவதில்லை", என அவர் கூறினார்.

தயாரிப்பாளர்கள் வருத்தம்

யோகி பாபுவின் இந்த முடிவு தயாரிப்பாளர்களுக்கு பெரும் சோகத்தை தான் அளித்துள்ளது. தர்மபிரபு படத்தை போலவே, யோகி பாபு கதையில் நாயகனாக நடித்துள்ள படம் கூர்கா. அந்த படம் விரைவில் திரைக்கு வரவிருப்பது குறிப்பிடத்தக்கது.