Don't Miss!
- Automobiles இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
'தல' அஜீத்துடன் இணைந்து நடிக்கக் காத்திருக்கிறேன் - சூர்யா
சென்னை: அஜீத் விருப்பம் தெரிவித்தால் அவருடன் இணைந்து நடிக்க தயாராக இருக்கிறேன் என நடிகர் சூர்யா தெரிவித்திருக்கிறார்.
சூர்யா நடிப்பில் உருவான '24' திரைப்படம் நேற்று முன்தினம் வெளியாகி உலகம் முழுவதும் நல்ல வரவேற்பைப் பெற்று வருகிறது.
டைம் டிராவல் கதை என்றாலும் விக்ரம் குமார் தங்களைக் குழப்பவில்லை என ரசிகர்கள் கருத்துத் தெரிவித்து வருகின்றனர்.
24
டைம் டிராவலை மையமாகக்கொண்டு நேற்று முன்தினம் வெளியான படம் '24'. சூர்யா, சமந்தா, நித்யாமேனன், சரண்யா பொன்வண்ணன் ஆகியோரின் நடிப்பில் வெளியான இப்படம் ரசிகர்களிடம் நல்ல வரவேற்பைப் பெற்று வருகிறது. முதன்முறையாக சூர்யா இப்படத்தில் வில்லனாக நடித்திருந்தார். சூர்யாவின் ஹீரோ கதாபாத்திரத்தை விட அவரின் வில்லன் கதாபாத்திரமே ரசிகர்களிடம் நல்ல வரவேற்பைப் பெற்று வருகிறது.
பிரீமியர் ஷோ
இப்படத்தின் அமெரிக்க பிரீமியர் ஷோவில் சூர்யா தனது குடும்பத்தினருடன் கலந்து கொண்டு படம் பார்த்தார். படம் முடிந்த பின் ரசிகர்கள் சூர்யாவிடம் உரையாடினர். ரசிகர்கள் கேட்ட கேள்விகளுக்கு சூர்யா சுவாரஸ்யமாக பதிலளிக்க, அதில் ஒரு ரசிகர் அஜீத்துடன் எப்போது இணைந்து நடிப்பீர்கள்? என்று கேட்டிருக்கிறார்.
தல சொன்னா
இதற்கு சூர்யா 'தல சொல்லிட்டார்னா பண்ணிடலாம்' என்று பதில் கூறியிருக்கிறார். சூர்யாவின் இந்த பதிலால் அவரது ரசிகர்கள் மட்டுமின்றி அஜீத் ரசிகர்களும் தற்போது மகிழ்ச்சியில் ஆழ்ந்திருக்கின்றனர். சூர்யா-அஜீத் இதுவரை இணைந்து நடித்ததில்லை என்பதால் இந்தக் கூட்டணியை இணைக்கும் முயற்சிகளில் தயாரிப்பாளர்கள் இறங்குவார்கள் என எதிர்பார்க்கப்படுகிறது.
அஜீத் ரசிகர்கள்
சூர்யாவின் '24' படத்திற்கு அவரது ரசிகர்கள் 80 அடியில் பிரமாண்ட கட்-அவுட் மற்றும் பேனர்கள் வைத்து அப்படத்தை வரவேற்றனர். அதே நேரம் அஜீத் ரசிகர்களும் இப்படத்திற்கு பேனர்கள் வைத்து தங்கள் வாழ்த்துகளையும் ஆதரவையும் '24' படத்திற்கு கொடுத்தது குறிப்பிடத்தக்கது.