உதயநிதியின் 'இது கதிர்வேலன் காதல்'- கிறிஸ்துமஸ் ஸ்பெஷல்

கிறிஸ்துமஸ் தின ஸ்பெஷலாக வருகிறது உதயநிதி - நயன்தாரா - சந்தானத்தின் காதல் காமெடிப் படமான இது கதிர்வேலன் காதல்!

'ஒரு கல் ஒரு கண்ணாடி' என்ற ஒரே படத்தில் பிரபல ஹீரோவாகிவிட்ட உதயநிதி ஸ்டாலின் ஹீரோவாக நடித்துள்ள அடுத்த படம் 'இது கதிர்வேலன் காதல்'.

இப்படத்தை உதயநிதியின் 'ரெட் ஜெயண்ட் மூவிஸ்' தயாரிக்கிறது. சுந்தரபாண்டியன் என்ற சூப்பர் ஹிட் படம் தந்த எஸ்.ஆர்.பிரபாகரன் இயக்குகிறார். இப்படத்தில் உதயநிதிக்கு ஜோடியாக நயன்தாரா நடிக்கிறார்.

'ஒரு கல் ஒரு கண்ணாடி' படத்தைப் போலவே இப்படத்திலும் உதயநிதிக்கு சமமான கதாபாத்திரத்தில் சந்தானம் நடிக்கிறார். ஹாரிஸ் ஜெயராஜ் இசையமைத்துள்ள இப்படத்தின் பெரும்பாலான படப்பிடிப்புகள் முடிவடைந்துவிட்டன.

படத்தை வருகிற டிசம்பர் 25-ந் தேதி கிறிஸ்துமஸ் தினத்தன்று வெளியிட உதயநிதி திட்டமிட்டுள்ளார்.