தாரை தப்பட்டையில் மீண்டும் விஸ்வரூபமெடுக்கும் இளையராஜா!

தனது ஆயிரமாவது படமான தாரை தப்பட்டை-க்கு 12 பாடல்கள் போட்டுக் கொடுத்துள்ளார் இளையராஜா.

பாலா இயக்கும் இப்படத்தின் படப்பிடிப்புகள் விறுவிறுப்பாக நடைபெற்று வரும் நிலையில், இதில் இடம்பெற்றுள்ள பாடல்கள் அனைத்தையும் முடித்துக் கொடுத்துவிட்டார் ராஜா.

விரைவில், மிகப்பெரிய அளவில் இப்படத்தின் ஆடியோவை வெளியிடவும் முடிவு செய்துள்ளனர்.

தாரை தப்பட்டை படம் கிராமிய நடனக் கலைஞர்கள் சம்பந்தப்பட்ட கதை. குறிப்பாக கரகாட்டக் கலைஞர்களின் வாழ்க்கையை இதில் படம்பிடித்துள்ளாராம் பாலா.

இதில், சசிகுமார், வரலட்சுமி ஆகியோர் வித்தியாசமான கதாபாத்திரம் ஏற்று நடித்து வருகின்றனர். பாலா தனது பி ஸ்டுடியோஸ் நிறுவனம் மூலம் தயாரித்து வருகிறார்.

தஞ்சை, குடந்தை பகுதிகளில் படப்பிடிப்பு நடந்து வருகிறது.