Ilaiyaraja 75: கமலுக்கு தான் அதிக ஹிட் பாடல் கொடுத்திருக்கிறார் இளையராஜா... ரஜினி பேச்சு!

இசைக் கலை

விழாவில் அவர் பேசியதாவது, " அனைத்து கலைகளிலும் சிறந்த கலை இசைக் கலை தான். மற்ற கலைகளுக்கெல்லாம் முதன்மையாக இருப்பதும் இசை கலை தான். அதனால் இசை கலைஞர்கள் மீது எனக்கு அதிக மரியாதை உண்டு.

சுயம்பு லிங்கம்

லிங்கங்கள் மூன்று வகைப்படும். நீர் லிங்கம், மனிதனால் உருவாக்கப்படும் லிங்கம், மற்றும் சுயம்பு லிங்கம். இளையராஜா சுயம்பு லிங்கம் போன்றவர், அது அபூர்வமாகவே உருவாகும், அது வெளிப்படும் போது அதன் சக்தியும், அதிர்வும் அபாரமாக இருக்கும். அன்னக்கிளியில் ஆரம்பித்த அந்த அபூர்வ சக்தியை இப்போது வரை பார்க்கிறேன்.

சாமின்னு தான் கூப்பிடுவேன்

நான், அவரை சார்னு தான் கூப்பிடுவேன். ஒரு வருட இடைவெளிக்கு பிறகு அவரை ஒருநாள் பார்த்த போது, பேண்ட் சர்ட்டிலிருந்து வேட்டி ஜிப்பாவுக்கு மாறியிருந்தார். அப்போது முதல் அவரை சாமினு கூப்பிட ஆரம்பிச்சுட்டேன். என்னை அவரும் சாமினு தான் கூப்பிடுகிறார், மன்னன் படத்தில் என்னை பாட வெச்சார். அதுவெறும் ஆறு வரிகள் தான். ஆனால் அதை பாட எனக்கு ஆறு மணி நேரம் ஆனது.

கமலுக்கு தான் ஹிட் பாடல்கள்

எனக்கு நிறைய பாடல் போட்டிருக்கார். ஆனால், என்னை விட கமலுக்கு தான் நிறைய ஹிட் பாடல் கொடுத்திருக்கார்" என ரஜினி கூறினார். அப்போது குறிக்கிட்ட இளையராஜா, "இவர் இப்படி சொல்கிறார். கமலை கேட்டால் ரஜினிக்கு போட்ட மாதிரி எனக்கு ஏன் பாட்டு போட மாட்டேங்கிறீங்க என சொல்வார்" என பதில் தந்தார். பின்னர் மேடைக்கு வந்த கமல்ஹாசனும் இளையராஜா சொன்னதை அமோதித்தார்.