இளையராஜா இசைன்னா எந்த மொழி படமானாலும் விருது கன்ஃபார்ம்...இப்போ என்ன விருது?

ஒரே நேரத்தில் 20 படங்கள்

மனதை மயக்கும் இசை என்றாலே அதற்கு மறுபெயர் இளையராஜா தான். பல ஆயிரம் பாடல்களுக்கு இசையமைத்து, எழுதி, பாடி உள்ளார் இளையராஜா. இவர் தற்போது தமிழ் மட்டுமின்றி தெலுங்கு, இந்தி, ஆங்கிலம் என பல மொழிகளிலும் கிட்டதட்ட 20 படங்களுக்கு இசையமைத்து வருகிறார். இதில் A Beautiful Breakup என்ற ஆங்கில படமும் ஒன்று.

இளையராஜாவின் 1422வது படம்

இந்தோ-ஆங்கில படமான இந்த படத்தை இங்கிலாந்தை சேர்ந்த தயாரிப்பு நிறுவனமான 5 Natures Movies International தயாரித்துள்ளது. இந்த படத்தில் புதுமுகங்களான கிருஷ், Matylda ஆகியோர் லீட் ரோலில் நடிக்கிறார்கள். இந்த படத்திற்கு இளையராஜா தான் இசையமைத்துள்ளார். இது இளையராஜாவின் 1422வது படமாகும்.

இளையராஜாவுக்கு சர்வதேச விருது

இந்த படத்திற்காக இளையராஜாவிற்கு சிறந்த இசைக்கான விருது வழங்கப்பட்டுள்ளது. அதுவும் Amsterdam சர்வதேச திரைப்பட விழாவில் இந்த விருது வழங்கப்பட்டுள்ளது. இதை அந்த படத்தின் தயாரிப்பு நிறுவனம் சந்தோஷமாக ட்விட்டரில் பகிர்ந்துள்ளது. இதை பார்த்து விட்டு, இளையராஜா இசைனாலே எந்த மொழி படமாக இருந்தாலும் அதற்கு விருது கன்ஃபார்ம் என இளையராஜாவின் ரசிகர்கள் பெருமையாக கமெண்ட் செய்து வருகின்றனர்.

சர்வதேச அங்கீகாரம்

A Beautiful Breakup படத்திற்காக 30 க்கும் மேற்பட்ட soundtrack களை இளையராஜா உருவாக்கி உள்ளார். இவைகள் சர்வதேச திரைப்பட விழாவில் அங்கீகாரத்தை பெற்றுள்ளது. இந்த படத்தை அஜித்வாசன் உக்கினா என்பவர் இயக்கி உள்ளார். கே.குணசேகரன் ஒளிப்பதிவு செய்துள்ளார்.