Ilayaraja 75: 'நீங்களும் அவரும்'... மேடையிலேயே இளையராஜாவிடம் திட்டு வாங்கிய பிரபல நடிகை!

விழாவில் ஷங்கர்

இயக்குனர் ஷங்கரும் நிகழ்ச்சியில் கலந்துகொண்டார். அவரை மேடைக்கு அழைத்த நடிகை ரோகினி, "நீங்களும் இளையராஜா சாரும் சேரும் காலம் எப்போது" என ஆரம்பித்தார். இதனால் இயக்குனர் ஷங்கருக்கு தர்மசங்கடமாக ஆகிவிட்டது.

ரோகினி கண்டித்த இளையராஜா

அப்போது குறுக்கிட்ட இளையராஜா, ரோகினியை கடுமையாக சாடினார். "நீ எனக்கு சான்ஸ் கேட்குறியா? இப்படி பேசுறது தவறு. அவருக்கு கம்பர்ட்டபுளான ஆட்களுடன் அவர் பயணிக்கிறார். இதை எல்லாம் நீ பேசக்கூடாது" என இளையராஜா ரோகினியை கண்டித்தார்.

இளையராஜாவிடம் பயம்

இதையடுத்து பேசிய ஷங்கர், "ஜென்டில்மேன் படத்திலேயே இளையராஜாவுடன் வேலை பார்க்க வேண்டியது. ஆனால் அவரிடம் எப்படி வேலை வாங்குவது என பயந்து தான் ஒதுங்கிவிட்டேன். இருப்பினும் வருமான வரித்துறைக்காக கமல் நடித்த ஒரு விளம்பரப் படத்தில் நானும், இளையராஜா சாரும் சேர்ந்து வேலை பார்த்தோம்" எனக் கூறினார்.

பாட்டுப்பாடி அசத்திய விக்ரம்

ஷங்கருடன் மேடைக்கு வந்த நடிகர் விக்ரம், இளையராஜாவுக்கு பிறந்தநாள் வாழ்த்துக் கூறி அவரது இசையை வெகுவாக பாராட்டினார். பின்னர் இளையராஜா இசையில் தனது படத்தில் இடம் பெற்ற 'ஓ பட்டர்ப்ளை' பாடலை பாடி பார்வையாளர்களை அசத்தினார்.