ஐதராபாத் இசைக் கச்சேரியில் இளையராஜா - எஸ்.பி.பி இணைவார்களா?

தமிழ் லேது :

இதற்கு முன்பு ஐதராபாத்தில் நடத்திய இசைக் கச்சேரிகளில் தமிழ், தெலுங்கு உள்பட தனது இசையில் உருவான பல மொழிப்பாடல்களையும் பாடிய இளையராஜா, இந்தக் கச்சேரியில் தெலுங்கு பாடல்களை மட்டுமே பாட பயன்படுத்த இருக்கிறாராம்.

எஸ்.பி.பி பாடுவாரா? :

இளையராஜாவின் இசையில் தெலுங்கில் அதிகப்படியான ஹிட் பாடல்களை பாடியவர் எஸ்.பி.பாலசுப்ரமணியம் தான். அதனால், தெலுங்குப் பாடல்கள் மட்டுமே பாடப்படும் இசைக்கச்சேரியில் எஸ்.பி.பி இல்லாமல் எப்படி?

எஸ்.பி.பாலசுப்ரமணியம் :

கடந்த சில மாதங்களுக்கு முன்பு, தனது 50 ஆண்டு திரையிசைப் பயணத்தைக் கொண்டாடும் வகையில், வெளிநாடுகளில் எஸ்.பி.பாலசுப்ரமணியம் கச்சேரிகள் நடத்தி வந்தபோது, தனது இசையில் உருவான பாடல்களை மேடைகளில் பாட ராயல்டி கொடுக்க வேண்டும் என்று வழக்குத் தொடர்ந்தார் இளையராஜா.

ரசிகர்கள் எதிர்பார்ப்பு :

ராயல்டி விவகாரத்துக்குப் பிறகு இளையராஜா-எஸ்.பி.பாலசுப்ரமணியம் ஆகிய இருவரும் இதுவரை படங்களிலோ அல்லது கச்சேரிகளிலோ இணையவில்லை. ஆனால், இந்த ஐதராபாத் இசை நிகழ்ச்சியில் அவர்கள் இணைவதற்கான வாய்ப்புகள் இருக்கின்றன என்கிறார்கள் ரசிகர்கள்.