தனது ஃபேவரைட் போட்டியாளரை சந்தித்த ராஜு... ரியாக்ஷன் என்னன்னு தெரியுமா ?

அசத்திய ஐக்கி பெர்ரி

அதிலும் ஐக்கி பெர்ரி, பிக்பாஸ் நிகழ்ச்சி நடந்து கொண்டிருக்கும் போதே ஒவ்வொரு வாரமும் வெளியே வருபவரை நேரில் சென்று சந்தித்து, அவர்களுடன் இன்ஸ்டாகிராம் லைவ் வீடியோவில் வந்து பேசி, ரசிகர்களின் கேள்விகளுக்கும் பதிலளித்தார். தற்போது நிகழ்ச்சி முடிந்த பிறகு சக போட்டியாளர்களுடன் சேர்ந்து ஆடி பாடும் வீடியோக்களை வெளியிட்டு வருகிறார்.

ராஜு - அண்ணாச்சி சந்திப்பு

இதே போல் டைட்டில் வின்னரான ராஜு, பிக்பாஸ் முடிந்த பிறகு அமீர் குடும்பத்தை சந்தித்து பேசினார். தற்போது அடுத்தபடியாக தனது ஃபேவரைட் போட்டியாளரான இமான் அண்ணாச்சியை அவரது வீட்டிற்கே சென்று சந்தித்து பேசினார். ராஜுவை உற்சாகமாக வரவேற்ற இமான் அண்ணாச்சி மற்றும் அவரது குடும்பத்தினர், ராஜு டைட்டில் வென்ற மகிழ்ச்சியை கேக் வெட்டி கொண்டாடினர்.

அண்ணாச்சி போட்ட கேப்ஷன்

ராஜு - அண்ணாச்சி சந்திப்பு வீடியோ மற்றும் போட்டோக்கள் இணையத்தில் அதிகம் பகிரப்பட்டு வருகிறது. இமான் அண்ணாச்சி இவற்றை தனது இன்ஸ்டா பக்கத்தில் பதிவிட்டுள்ளார். ஆனால் இந்த போட்டோக்களை விட, இதோடு அண்ணாச்சி பதிவிட்ட கேப்ஷன் தான் அனைவரையும் மிகவும் கவர்ந்துள்ளது. இதற்கு பலரும் பாராட்டு தெரிவித்து, லைக் செய்து வருகின்றனர்.

இமான் அண்ணாச்சி தனது பதிவில்,

வீட்டு பூந்தோட்டத்தில்

முளைத்த செடியிலிருந்து
கொடியின் பூக்கள் வரை
ஒன்றில் இரு வண்ணம்
அண்ணனும் தம்பியும் போல..!

அண்ணனுடன் பிறந்த
தம்பிகளுக்கு மட்டும் தான்
தெரியும் அண்ணனுக்கு
இன்னொரு பெயர்
அப்பா என்று..!

என குறிப்பிட்டுள்ளார். ரசிகர்கள் ஏற்கனவே இமான் அண்ணாச்சியிடம், ராஜுவுடன் இருக்கும் போட்டோவை விரைவில் வெளியிடுங்கள் என ஆர்வமாக கேட்டிருந்தனர். அவர்களின் ஆசையை நிறைவேற்ற உடனடியாக போட்டோ மற்றும் வீடியோவை பதிவிட்டுள்ளார் இமான் அண்ணாச்சி.