ஏன் மங்குனி அமைச்சரே.. அப்படீன்னா 24ம் புலிகேசி யாராக இருக்கும்.. உமக்கு ஏதாவது புரிகிறதா?

வேறு ஒருவர்

ஆனால், 'இம்சை அரசன் 24ம் புலிகேசி' படத்தில் நடிக்க வடிவேலு மறுத்துவிட்டதாக கூறப்படுகிறது. இந்நிலையில் வடிவேலுக்கு பதிலாக வேறு ஒருவரை நடிக்க வைக்க படக்குழு முடிவு செய்துள்ளது.

24ஆம் புலிகேசி

மேலும் இது குறித்த அதிகாரபூர்வ அறிவிப்பு விரைவில் வெளியாகவுள்ளதாகவும் தகவல் வெளியாகியுள்ளது. வடிவேலு நடித்த இம்சை அரசன் 23ஆம் புலிகேசி பெரும் வெற்றி பெற்றதை தொடர்ந்து அவரை வைத்தே இம்சை அரசன் 24ஆம் புலிகேசி எடுக்க முடிவு செய்யப்பட்டது.

சந்தானமும் சூரியும்?

ஆனால் அதில் வடிவேல் நடிக்கவில்லை என்பதால் யாரை இம்சை அரசன் 24ஆம் புலிகேசியாக யாரை நடிக்க வைக்கப் போகிறார்கள் என்ற யூகங்கள் எழுந்துள்ளன. வடிவேலு நடிக்காத காலத்தில் காமெடி நடிகர்களாக பீக்குக்கு வந்தவர்கள் சந்தானமும் சூரியும் தான்.

சூரியா இருக்குமோ?

சந்தானம் கொஞ்சம் மார்டன் யூத். ஆனால் நடிகர் சூரி வடிவேலுவை போல வில்லேஜ் ஸ்லாங்கில் பேசுவதிலும் காமெடி செய்வதிலும் வல்லவர். உடல் வாகும் கூட ஓரளவுக்கு வடிவேலுவை ஒத்தே இருக்கும். ஆகையால் சூரி நடிக்கலாம். அல்லது வேறு யாரெனும் புது முகத்தைக் கூட அறிமுகப்படுத்தலாம் சினிமா வட்டாரத்தில் பேச்சு எழுந்துள்ளது.