Don't Miss!
- Technology வீட்டுக்கு 1 வாங்குவீங்க.. 8GB மெமரி.. 50W சினிமாட்டிக் சவுண்ட்.. இரண்டு 4K டிவிகளை அறிமுகம் செய்த VU..
- Automobiles ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!
- Finance அட்சய திருதியை-க்கு தங்க நகை வாங்கப் போறீங்களா.. இந்த தவறை மட்டும் செஞ்சிடாதீங்க!
- News எஸ்சி, எஸ்டி இடஒதுக்கீட்டை முஸ்லிம்களுக்கு வழங்க துடித்த காங்கிரஸ் - பிரதமர் மோடி கடும் ‛அட்டாக்’
- Sports இப்படி தான் சிக்சர் அடிக்கனும்.. இளம் அதிரடி வீரருக்கு சொல்லி கொடுத்த தோனி.. கவனித்த ஜடேஜா
- Lifestyle 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஏஜிஎஸ் நிறுவனத்தில் வருமான வரித்துறை திடீர் ரெய்டு.. வரி ஏய்ப்பு புகாரால் 20 இடங்களில் அதிரடி!
சென்னை: வரி ஏய்ப்பு புகாரை தொடர்ந்து விஜயின் பிகில் படத்தை தயாரித்த ஏஜிஎஸ் நிறுவனத்தில் வருமான வரித்துறை அதிகாரிகள் அதிரடி சோதனை நடத்தி வருகின்றனர்.
தமிழ் சினிமாவின் முன்னணி தயாரிப்பு நிறுவனங்களில் ஒன்று ஏஜிஎஸ் நிறுவனம். இந்நிறுவனம் படங்களை தயாரிப்பது, டிஸ்ட்ரிப்யூஷன் செய்வது உள்ளிட்ட தொழில்களை மேற்கொண்டு வருகிறது.
ஏஜிஎஸ் நிறுவனத்திற்கு என மல்ட்டிப்ளக்ஸ் தியேட்டர்களும் உள்ளன. இந்நிலையில் ஏ.ஜி.எஸ் குழுமத்துக்கு சொந்தமான இடங்களில் வருமான வரித்துறையினர் சோதனை நடத்தி வருகின்றனர்.
அதன்படி சென்னை தி.நகரில் உள்ள வீடு, தேனாம்பேட்டையில் உள்ள அலுவலகம், வில்லிவாக்கத்தில் உள்ள தியேட்டர் அலுவலகம் உள்பட 20 இடங்களில் வருமான வரித்துறை அதிகாரிகள் சோதனை நடத்தி வருவதாக தகவல் வெளியாகியுள்ளது.வரி ஏய்ப்பு புகாரின் பேரில் இந்த சோதனை நடைபெற்று வருகிறது. இதில் 50க்கும் மேற்பட்ட வருமான வரித்துறை அதிகாரிகள் பங்கேற்றிருப்பதாகவும் தகவல் வெளியாகியுள்ளது.
2006ஆம் ஆண்டு தொடங்கப்பட்ட ஏஜிஎஸ் நிறுவனம், தனது முதல் புரடெக்ஷனாக திருட்டுப்பயலே படத்தை தயாரித்தது. இதனை தொடர்ந்து சந்தோஷ் சுப்ரமணியம், மாசிலாமணி, மதராசப்பட்டினம் எங்கேயும் காதல் உள்ளிட்ட படங்களை தயாரித்திருக்கிறது. நவீன சரஸ்வதி சபதம், தெனாளி ராமன், இரும்பு குதிரை, தனி ஒருவன், அனேகன் உள்ளிட்ட படங்களை தயாரித்த ஏஜிஎஸ் என்டெர்டெய்ன்மென்ட் கடைசியாக விஜய் நடிப்பில் வெளியான பிகில் படத்தை தயாரித்தது.
இதுமட்டுமின்றி, மைனா, பயணம், அவன் இவன், அனேகன், தனி ஒருவன், கவன், பிகில் உள்ளிட்ட படங்களையும் வெளியிட்டுள்ளது ஏஜிஎஸ் என்டெர்டெய்ன்மென்ட். பிகில் படத்தால் நஷ்டம் என தகவல் வெளியான நிலையில் வருமான வரித்துறை இந்த அதிரடி ரெய்டை மேற்கொண்டு வருகிறது.