Don't Miss!
- News 2-ம் கட்ட லோக்சபா தேர்தல்: 1202 வேட்பாளர்கள்..15.88 கோடி வாக்காளர்கள்;1.67 லட்சம் வாக்குச் சாவடிகள்!
- Lifestyle ஜப்பான் பெண்கள் நீண்ட காலம் இளமையாகவும், அழகாகவும் இருக்க இந்த 4 ரகசிய உணவுகள்தான் காரணமாம்...!
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
அவர்தான் கிரேனை இயக்கினார்.. இப்போது தலைமறைவு.. இந்தியன் 2 ஸ்பாட்டில் என்ன ஆனது.. போலீஸ் விசாரணை!
இந்தியன் 2 படப்பிடிப்பு தளத்தில் நேற்று ஏற்பட்ட விபத்திற்கு காரணமாக இருந்த கிரேன் இயக்கிய நபர் தலைமறைவானது பெரிய பரபரப்பை ஏற்படுத்தி உள்ளது.
Recommended Video
சென்னை: இந்தியன் 2 படப்பிடிப்பு தளத்தில் நேற்று ஏற்பட்ட விபத்திற்கு காரணமாக இருந்த கிரேன் இயக்கிய நபர் தலைமறைவானது பெரிய பரபரப்பை ஏற்படுத்தி உள்ளது.
நடிகர் கமல்ஹாசன் மற்றும் இயக்குனர் ஷங்கர் தயாரிப்பில் இந்தியன் 2 படம் வேகமாக தயாராகி வருகிறது. இந்த படத்தின் கால்வாசி ஷூட்டிங் முடிந்துவிட்டது. இதில் சித்தார்த், பிரியா பவானி சங்கர் உள்ளிட்ட நடிகர்களும் நடிக்கிறார்கள்.
இந்த படத்தின் ஷூட்டிங் தற்போது சென்னையில் நடந்து வருகிறது. இதற்காக சென்னை அருகே பூந்தமல்லி நசரத்பேட்டையில் உள்ள தனியார் படப்பிடிப்பு தளத்தில் ராட்சத கிரேன்கள் மூலம் பிரம்மாண்ட செட் அமைக்கும் பணிகள் நடைபெற்று வருகிறது.
என்ன ஆனது
இந்த நிலையில் நேற்று இந்த செட் அமைக்கும் பணிகளின் போது கிரேன் கீழே விழுந்து விபத்து ஏற்பட்டது. 150 அடி உயரத்தில் இந்த கிரேன் இருந்துள்ளது. இதில் பெரிய அளவில் விளக்குகள் பொருத்தப்பட்டு இருந்தது. இரவு நேரத்தில் எடுக்கப்பட்ட ஷூட்டிங் என்பதால் பெரிய அளவில் விளக்குகள் பொருத்தப்பட்டு இருந்தது. இந்த விளக்குகளுடன், கிரேன் மொத்தமாக கீழே விழுந்துள்ளது.
எப்படி இடம்
இந்த இடத்தில் தலைமை செயலகம் செட் போட்டு இருக்கிறார்கள். அதற்கு அருகில் இருந்த கிரேன்தான் கிழே விழுந்தது. உதவி இயக்குனர் கிருஷ்ணா, ஆர்ட் உதவியாளர் சந்திரன், தயாரிப்பு உதவியாளர் மது ஆகியோர் இந்த விபத்தில் பலியானார்கள். அதேபோல் இந்த வவிபத்தில் 10 பேர் காயம் அடைந்தனர். இதனையடுத்து இந்த விபத்தில் காயமடைந்தவர்கள் மருத்துவமனைக்கு அழைத்து செல்லப்பட்டு அங்கு அவர்களுக்கு தீவிர சிகிச்சை அளிக்கப்பட்டு வருகிறது.
இரங்கல் தெரிவித்தனர்
இந்தியன் 2 படப்பிடிப்பின் போது ப்ரொடக்சனில் பணியாற்றிய 3 பேர் உயிரிழந்த நிலையில், அப்படத்தின் தயாரிப்பு நிறுவனமான லைகா மூன்று பேரின் இழப்பிற்கு ஆழ்ந்த இரங்கல் தெரிவித்துள்ளது. இந்த சம்பவத்திற்கு இயக்குனர்கள், நடிகர்கள் பலர் இரங்கல் தெரிவித்துள்ளனர். நடிகர் கமல்ஹாசன் இந்த சம்பவத்திற்காக இன்று அதிகாலை இரங்கல் தெரிவித்தார். இதனை தொடர்ந்து படப்பிடிப்பு தளத்திற்கு வந்த காவல்துறையினர், விபத்து குறித்து விசாரணை நடத்தி வருகின்றனர்.
போலீசார் தீவிரம்
எப்படி நடந்தது என்பது தொடர்பாக விசாரித்து வருகிறார்கள். இந்த விபத்தில் கிரேனை இயக்கிய நபர் மீது தற்போது போலீஸ் வழக்கு பதியப்பட்டு இருக்கிறது. ஆனால் இவர் இப்போதே எங்கே இருக்கிறார் என்று தெரியவில்லை. விபத்திற்கு பின் அவர் தலைமறைவாகிவிட்டார். இவரை போலீசார் தீவிரமாக தேடி வருகிறார்கள்.