என்னாது, 'இந்தியன் 2' கைவிடப்பட்டதா?: உண்மை இதோ

தாமதம்

செட் அமைக்கும் பணி தாமதமானதால் படப்பிடிப்பை திட்டமிட்டபடி துவங்க முடியவில்லை. இந்நிலையில் ஷங்கர் அடுத்த பட வேலையில் வேறு இறங்கியுள்ளதாக செய்திகள் வெளியாகின. இதை பார்த்துவிட்டு இந்தியன் 2 படம் கைவிடப்பட்டதாக சமூக வலைதளங்களில் நேற்று பேச்சு கிளம்பியது.

ஷங்கர்

இந்தியன் 2 தான் கமல் ஹாஸன் நடிக்க உள்ள கடைசி படமாகும். இந்நிலையில் அந்த படம் கைவிடப்படுவதாக பரவிய தகவலை பார்த்து கமல் ரசிகர்கள் கவலை அடைந்தனர். அதன் பிறகே அது வெறும் வதந்தி என்று தெரிய வந்தது நிம்மதி அடைந்தனர்.

வதந்தி

இந்தியன் 2 படத்தை கைவிடவில்லை என்று படக்குழு தெரிவித்துள்ளது. படப்பிடிப்பு வரும் 18ம் தேதி பொள்ளாச்சியில் துவங்க உள்ளதாம். அதன் பிறகு படக்குழு உக்ரைனுக்கு செல்கிறது. முதல் பாகத்தை போன்றே இதிலும் கமல் முதியவர், இளைஞர் என்று இரண்டு தோற்றங்களில் நடிக்கிறாராம்.

காஜல்

இந்தியன் 2 படத்திற்காக காஜல் அகர்வால் களரி கற்றுக் கொண்டிருக்கிறார். இந்த படத்தில் நடிக்க ஒப்பந்தம் ஆனதன் மூலம் தனது கெரியர் அடுத்த லெவலுக்கு சென்றுள்ளதாக அவர் தெரிவித்துள்ளார். முதல் முறையாக அவர் கமலுடன் ஜோடி சேர்கிறார் என்பது குறிப்பிடத்தக்கது.