twitter
    For Quick Alerts
    ALLOW NOTIFICATIONS  
    For Daily Alerts

    3 பேரை காவு வாங்கிய இந்தியன் 2.. கறுப்பு வெள்ளை போஸ்டரில் கண்ணீர் அஞ்சலி செலுத்திய லைகா!

    |

    Recommended Video

    Indian 2 படப்பிடிப்பில் கிரேன் விழுந்து விபத்து

    சென்னை: இந்தியன் 2 பட ஷுட்டிங் ஸ்பாட்டில் நிகழ்ந்த விபத்தில் ஊழியர்கள் மூன்று பேர் உயிரிழந்ததற்கு லைகா நிறுவனம் கறுப்பு வெள்ளை போஸ்டரில் இரங்கல் தெரிவித்துள்ளது.

    ஷங்கர் இயக்கத்தில் நடிகர் கமல்ஹாசன் நடிக்கும் இந்தியன் 2 படத்தின் ஷுட்டிங் பூந்தமல்லி அருகே நசரத்பேட்டையில் உள்ள ஈபிவி பிலிம் சிட்டியில் நடைபெற்று வருகிறது. இதற்காக அங்கு பிரத்யோக செட் அமைக்கப்பட்டுள்ளது.

    இதில் நடிகைகள் காஜல் அகர்வால், பிரியா பவானிஷங்கர், சித்தார் உள்ளிட்ட பலர் நடித்து வருகின்றனர். படப்பிடிப்பிற்காக அங்கு உயரமான கிரேன்களில் லைட்டுகள் கட்டப்பட்டிருந்தன.

    அதிர்ச்சி.. இந்தியன் 2 படப்பிடிப்பு விபத்தில் இறந்த கிருஷ்ணா கார்ட்டூனிஸ்ட் மதன் மருமகனாம்!அதிர்ச்சி.. இந்தியன் 2 படப்பிடிப்பு விபத்தில் இறந்த கிருஷ்ணா கார்ட்டூனிஸ்ட் மதன் மருமகனாம்!

    3 பேர் பலி

    3 பேர் பலி

    இந்நிலையில் நேற்றிரவு படப்பிடிப்பின் போது கிரேன் திடீரென சரிந்து விழுந்தது. உதவி இயக்குனர் கிருஷ்ணா, மற்றும் படப்பிடிப்பு ஊழியர்களான 29 வயது மது, 60 வயது சந்திரன் ஆகிய 3 பேர் தலையில் பலத்த காயமடைந்து உயிரிழந்தனர். ஒரு பெண் உட்பட 9 பேர் காயமடைந்தனர்.

    சோகம்

    சோகம்

    காயமடைந்தவர்கள் தண்டலம் தனியார் மருத்துவமனையில் அனுமதிக்கப்பட்டுள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இந்தியன் 2 படப்பிடிப்பு தளத்தில் ஏற்பட்ட விபத்தில் 3 பேர் பலியானதற்கு பலரும் இரங்கல் தெரிவித்து வருகின்றனர். திரைத்துறையினரும் இந்த சம்பவத்தால் சோகத்தில் மூழ்கியுள்ளனர்.

    கறுப்பு வெள்ளை போஸ்டர்

    கறுப்பு வெள்ளை போஸ்டர்

    இந்நிலையில் இந்தியன் 2 படத்தை தயாரிக்கும் லைகா நிறுவனம் கிரேன் விபத்தில் உதவி இயக்குநர் உட்பட 3 பேர் பலியானதற்கு இரங்கல் தெரிவித்துள்ளது. இதுதொடர்பாக கறுப்பு வெள்ளை போஸ்டரை வெளியிட்டு இரங்கலை பதிவு செய்திருக்கிறது லைகா நிறுவனம்.

    3 பேரை இழந்திருக்கிறோம்

    அதில் தெரிவிக்கப்பட்டிருப்பதாவது, எங்களுடைய உண்மையான வலியை வார்த்தைகளால் சொல்ல முடியாது. இந்தியன் 2 செட்டில் நேற்று நடந்த விபத்தில் மூன்று பேர் உயிரிழந்திருப்பது மிகவும் வருத்தமளிக்கிறது. கடினமான உழைப்பாளிகள் மூன்று பேரை இழந்திருக்கிறோம்.

    3 பேரை இழந்திருக்கிறோம்

    3 பேரை இழந்திருக்கிறோம்

    அதில் தெரிவிக்கப்பட்டிருப்பதாவது, எங்களுடைய உண்மையான வலியை வார்த்தைகளால் சொல்ல முடியாது. இந்தியன் 2 செட்டில் நேற்று நடந்த விபத்தில் மூன்று பேர் உயிரிழந்திருப்பது மிகவும் வருத்தமளிக்கிறது. கடினமான உழைப்பாளிகள் மூன்று பேரை இழந்திருக்கிறோம்.

    ஆழ்ந்த இரங்கல்

    ஆழ்ந்த இரங்கல்

    கிருஷ்ணா, உதவி இயக்குநர், சந்திரன், கலை உதவியாளர், மது, புரடெக்ஷன் உதவியாளர் ஆகியோரின் குடும்பத்தினருக்கு எங்களின் ஆழ்ந்த இரங்கல். அவர்களின் ஆன்மா சாந்தியடையட்டும். இவ்வாறு லைகா நிறுவனம் தங்களின் இரங்கல் போஸ்டரில் தெரிவித்துள்ளது.

    English summary
    Indian 2 movie Shooting spot accident: Lyca condoles for three dead in accident. Lyca condoles in Black and wwhite poster.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X