இது இயக்குனர் ஷங்கர் கேரக்டரே இல்லையே #Indian2

ஷங்கர்

1996ம் ஆண்டு வெளியான இந்தியன் படத்தின் இரண்டாம் பாகம் 23 ஆண்டுகள் கழித்து எடுக்கப்படுவதே ஒரு பிரமிப்பான விஷயம். இந்தியன் 2 படத்தின் படப்பிடிப்பு நாளை துவங்க உள்ளது. ஷங்கரின் பிற படங்கள் போன்று இதுவும் பிரமாண்டமாக இருக்கும் என்பதில் சந்தேகமே இல்லை.

ஃபர்ஸ்ட் லுக்

பொங்கல் வாழ்த்து தெரிவித்து இந்தியன் 2 படத்தின் ஃபர்ஸ்ட் லுக் போஸ்டரை ஷங்கர் ட்விட்டரில் வெளியிட்டார். பட அறிவிப்பையே பிரமாண்டமாக செய்த அவர் ஃபர்ஸ்ட் லுக் போஸ்டரை இப்படி சத்தமில்லாமல் வெளியிட்டதை நம்பவே முடியவில்லை. தைவானில் பலூனை பறக்கவிட்டு இந்தியன் 2 அறிவிப்பை வெளியிட்ட அவரா இப்படி மாறிவிட்டார் என்பதே ஆச்சரியம்.

கமல்

இந்தியன் 2 படத்தை லைகா நிறுவனம் தயாரிக்கிறது. அதனால் பிரமாண்டத்திற்கு நிச்சயம் குறைவிருக்காது. படப்பிடிப்பு துவங்கிய பிறகு பெரிய அளவில் போஸ்டர் வெளியாகும் என்று எதிர்பார்க்கப்படுகிறது.

சித்தார்த்

இந்தியன் 2 படம் தைவானில் துவங்கி இந்தியாவில் முடிகிறதாம். படத்தில் சிம்புவுக்கு பதில் சித்தார்த் ஒப்பந்தம் செய்யப்பட்டுள்ளார். முதல் முறையாக அனிருத் கமல் படத்திற்கு இசையமைக்கிறார்.