Don't Miss!
- News ஆரம்பிக்கும்போதே "மக்கர்" செய்த ஓட்டு மெஷின்.. நாகையில் ஒரு பூத்தில் மாதிரி வாக்குப்பதிவு தாமதம்!
- Sports என்னங்க சொல்றீங்க? சிஎஸ்கேக்கு வருகிறாரா ஆஸி. வேகம் ஹேசல்வுட்.. உண்மை என்ன?
- Automobiles சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
இந்தியன் 2 கிளைமாக்ஸ் லீக்.. அப்டியே ரமணா மாதிரியே இருக்கே.. அப்போ 3ம் பாகத்துக்கு வாய்ப்பேயில்லையா?
இந்தியன் 2 கிளைமாக்சில் கமலுக்கு மரண தண்டனை வழங்கப்படுவதாக தகவல்கள் வெளியாகியுள்ளது.
Recommended Video
சென்னை: இந்தியன் 2 படத்தின் கதை சமீபத்தில் வெளியான நிலையில், அப்படத்தின் க்ளைமாக்ஸ் காட்சி குறித்த தகவலும் லீக்காகியுள்ளது.
கமல் நடிப்பில் ஷங்கர் இயக்கும் இந்தியன் 2 திரைப்படத்தின் படப்பிடிப்பு பல்வேறு சிக்கல்களை தாண்டி நடைபெற்று வருகிறது. இப்படத்தில் சித்தார்த், காஜல் அகர்வால், ரகுல் ப்ரீத் சிங், பிரியா பவானிசங்கர் உள்பட நிறைய பேர் நடிக்கிறார்கள்.
இந்தியன் முதல் பாகத்தின் தொடர்ச்சியாகவே இப்படம் உருவாகி வருகிறது. எனவே இதிலும் கமல் இந்தியன் தாத்தா கெட்டப்பில் தான் நடிக்கிறார். அதன் போஸ்டர்கள் ஏற்கனவே வெளியாகிவிட்டன.
ஒரு தாஜ்மஹால் இன்னொரு தாஜ்மஹாலை பாக்குதே... அடடே காஜலை புகழும் நெட்டிசன்ஸ்
முதற்கட்ட படப்பிடிப்பு
தற்போது இந்தியன் 2 படத்தின் முதற்கட்டப் படிப்பிடிப்பு நடந்து வருகிறது. சென்னை சாலிகிராமத்தில் உள்ள பிரசாத் லேப்பில் போடப்பட்டிருந்த செட்டில் இரண்டு நாட்கள் படப்பிடிப்பு நடந்தது. இதையடுத்து தற்போது படக்குழு ஜெய்ப்பூர் சென்றுள்ளது. அங்கு முக்கிய காட்சிகள் படமாக்கப்பட்டு வருகின்றன.
இந்தியன் 2 கதை
இந்நிலையில் கடந்த சில தினங்களுக்கு முன் இந்தியன் 2 படத்தின் கதை என ஒன்று இணையத்தில் வைரலானது. அதன்படி சமூக போராளியான சித்தார்த்தும், அவரது மனைவி ரகுல் ப்ரீத் சிங்கும் ஊழல் அரசியல்வாதிகள் குறித்து தங்கள் யூடியூப் சேனலில் வெளியிட்டு வருகிறார்கள்.
இந்தியன் தாத்தா
இதனால் கோபமடையும் அரசியல்வாதிகள் சித்தார்த் மற்றும் ரகுலை கொலை செய்ய திட்டமிடுகிறார்கள். வெளிநாட்டில் இருந்து சென்னை வரும் கமல், சித்தார்த்தை காப்பாற்றுகிறார். அவரிடம் இருந்து ஊழல் அரசியல்வாதிகளில் பட்டியலை வாங்கி, வர்மக்கலை மூலம் ஒவ்வொருவராக போட்டு தள்ளுகிறார். இது தான் கடந்த வாரம் வெளியான விஷயம்.
முக்கிய தலைவர்
இது தொடர்பாக புதிய தகவல்கள் சில கிடைத்துள்ளன. அதன்படி கமல் மொத்தம் ஏழு பேரை கொலை செய்கிறார். அதில் இந்திய அரசியலில் மிக முக்கிய பதவியில் இருக்கும் ஒருவரும் அடக்கம் என்கிறார்கள். இடைவேளைக்கு பிறகு கமலின் ருத்ரதாண்டவம் தான் படமாம்.
தூக்கு
மேலும் கடைசியில் போலீசாரிடம் தானாகவே சரணடைகிறார் கமல். அவருக்கு நீதிமன்றம் மரண தண்டனை விதிக்கிறது. மக்கள் எல்லாம் சோகத்தில் மூழ்குகிறார்கள். கமல் தூக்கில் போடப்படுவதுடன் படம் முடிகிறது. அதோடு இந்தியன் படத்திற்கும் எண்ட்கார்டு போடப்பட்டுள்ளது. ஆக இந்தியன் 3 வருவதற்கு வாய்ப்பில்லையாம்.
ரமணா கிளைமாக்ஸ்
ஆனால் இந்த தகவல் எல்லாம் எந்த அளவிற்கு உண்மை என்பது தெரியவில்லை. கடந்த வாரம் முதலே இந்தியன் 2 கதை பற்றிய பல தகவல்கள் இணையத்தில் உலாவுகின்றன. ஆனால் இதுகுறித்து படக்குழு இதுவரை எதுவும் தெரிவிக்கவில்லை. அதோடு இந்தியன் 2 கிளைமாக்ஸ், ஏற்கனவே ரமணா படத்தில் இடம் பெற்றது தான்.
ஒரே கதைக்களம்
கதையும் கூட ஏறக்குறைய இரண்டுமே ஒன்று தான். இரண்டு படத்திலுமே ஊழல், லஞ்சம் பற்றித்தான் பேசியிருப்பார்கள். தற்போது கிளைமாக்சும் ஒரே மாதிரி இருந்து விட்டால், நன்றாக இருக்குமா என்பது தெரியவில்லை. இந்தியன் 2 பட ரிலீசுக்குப் பிறகுதான் இது எந்தளவிற்கு உண்மை என்பது தெரியவரும்.