கமல் சூர்யாவுக்கு கொடுத்த ரோலக்ஸ் வாட்ச்..அட இதுக்கு பின்னாடி இவ்வளவு பெரிய கதை இருக்கா?

விக்ரம்

கடந்த மாதம் ஜூன் மாதம் 3-ம் தேதி திரையரங்குகளில் வெளியான இப்படம், ரசிகர்களிடையே நல்ல வரவேற்பை பெற்றது. தமிழ்நாட்டில் மட்டும் படத்தின் வசூல் ரூ.150 கோடியை தாண்டியுள்ளது. தமிழ்நாட்டில் அதிக வசூலைக் கண்ட தமிழ்ப் படம் என்கிற பெருமையையும் பெற்றுள்ளது. மேலும், இந்தியாவில் மட்டும் இதன் வசூல் ரூ. 300 கோடியைத் தாண்டியுள்ளது.

மகிழ்ச்சியில் கமல்

இத்தனை ஆண்டுகள் சினிமாவில் இருந்தாலும் இதுபோல ஒரு வெற்றியை காணாத கமலஹாசன் விக்ரம் வெற்றியால் மகிழ்ச்சியில் திளைத்து இருக்கிறார். இதையடுத்து, லோகேஷ் கனகராஜுக்கு புதிய சொகுசு கார் ஒன்றை பரிசளித்தார். அதே போல, விக்ரம் படத்தில் பணியாற்றிய 13 உதவி இயக்குனர்களுக்கும் புதிய பைக்கை பரிசாக அளித்தார்.

புதிய வாட்ச் இல்லை

மேலும், சூரியாவுக்கு, Rolex கை கடிகாரம் ஒன்றை பரிசாக வழங்கி இருந்தார் கமல். Rolex Day - Date Wrist Watch 128238A K18 என்ற அந்த மாடல் வாச்சின் விலை 42 லட்சமாகும். சூர்யாவிற்கு கமல் கொடுத்த rolex வாட்ச் புதிய வாட்ச் இல்லை என்றும், கமல் சார் ரொம்ப வருசமாக அதை வைத்து இருக்கிறார் என்றும் லோகேஷ் கனகராஜ் கூறி இருந்தார்.

Recommended Video

Rocketary | Madhavan-னை மனம் திறந்து பாராட்டிய Rajini *Kollywood | Filmibeat Tamil

ரோலக்ஸ் வாட்ச் சுவாரசியம்

இந்நிலையில், அந்த ரோலக்ஸ் வாட்ச் குறித்த சுவாரசியத் தகவல் வெளியாகி உள்ளது. அதாவது கமல்ஹாசன் நான்கு வேடங்களில் நடித்த மைக்கேல் மதன காமராஜன் படத்தில் இந்த வாட்சை கமல் அணிந்து இருக்கிறார். மதன் கதாபாத்திரத்தில் நடித்த கமல், இந்த வாட்சை அணிந்துள்ள புகைப்படம் இணையத்தில் வைரலாகி வருகிறது.