»   »  கலர்ஸ்... தமிழில் எடுபடுமா?

கலர்ஸ்... தமிழில் எடுபடுமா?

By Shankar
Subscribe to Oneindia Tamil
இன்று முதல் கலர்ஸ் தமிழ்

கடந்த ஓராண்டாகவே மீடியா மற்றும் சினிமா வட்டாரங்களில் தடதடக்கும் செய்தி, கலர்ஸ் சேனல் தமிழில் வரப்போகிறதாமே!? எனத்தொடங்கி, ஆர்வத்தோடு ஆளாளுக்கு அவர்களுக்குத் தெரிந்த அல்லது தெரியாத தகவல்களையும் கலந்து கட்டி புது கலர்ஸ்' தீட்டிக்கொண்டிருந்தார்கள்!

'ஏற்கனவே இருக்கிற சேனலைப் பார்க்கவே நேரமில்லை இதில் புதுசா ஒண்ணு வருதாக்கும்!' என்கிற பாமர மக்களின் பரிதவிப்பு ஒருபக்கம். எல்லாருடைய யூகங்களுக்கும் விடையாக... இதோ, வரும் திங்கள் முதல் உங்கள் பார்வைக்கு வரப்போகிறது!

Is Colors Channel clicks in Tamil?

வேறு மொழிகளில் அதகளப்படுதிக் கொண்டிருக்கும் சேனல் என்பதால் எதிர்பார்ப்பும் எகிறிக்கிடக்கிறது! இப்படியான சூழலில் நேற்று பத்திரிகையாளர்கள் சந்திப்பு நடந்தது. ஏற்கனவே ஏகப்பட்ட சேனல்கள் இருக்கும்போது இன்னொரு சேனல் வந்தால் யார் பார்ப்பார்கள் என்பதுதானே முதல் கேள்வியாக இருக்கும்? அதற்கு விடை சொல்வதுபோலவே இருந்தது சேனல் தரப்பில் பேசியவர்களின் கருத்து.

பொதுவாக சினிமா பிரஸ் மீட்டில் பேசுகிற ஒவ்வொரு இயக்குநரும், "இதற்கு முன் இப்படியொரு படத்தை நீங்கள் பார்த்திருக்க மாட்டீர்கள்" என்றுதான் காலங்காலமாக ஆரம்பிப்பார்கள். ஒளிபரப்பட்ட புரமோக்களில் மிர்ச்சி சிவா நிகழ்ச்சி தவித்து, பாக்கியெல்லாம் வழக்கமான நிகழ்ச்சி போலவே இருக்கின்றன! நிகழ்ச்சி நிரலை நீட்டி முழங்கியதுகூட காரணமாக இருக்கக் கூடும்!

கலர்ஸ் தரப்பில் மிக கவனமாகச் சொல்லப்பட்ட ஒரு விசயம் - சீரியல்கள், டாக் ஷோ, இன்னபிற எதுவும் பொறுப்புணர்ந்து உருவாக்கப்பட்டிருக்கும் என்பது! ஒரு தொடரின் பாடல்காட்சி, தென் மாவட்டங்களில் படமாக்கப்பட்டிருக்கிறது. பாடல் முடியும் தருணத்தில் திருவிழாவில் ஆளாளுக்கு வண்ணப்பொடிகளை வாரி இறைக்கிறார்கள்... டகலர்ஸ்' என்று டைட்டில் வருகிறது!? சவுக்கார் பேட்டைதாண்டி தமிழ் நாட்டு திருவிழாக்களில் வண்ணப்பொடி வாரியிறைப்பது புதுசு!

சமீபத்திய பிக்பாஸ் தொடங்கி நட்சத்திரங்கள் பங்கேற்கும் நிகழ்சிகளுக்கு, ஆட்களுக்கு தகுந்த மாதிரி அள்ளிக் கொடுத்தால் மட்டுமே ஒப்புகொள்வார்கள் என்பது ஊரறிந்த ரகசியம். ஆர்யா கலந்து கொள்ளும் எங்க வீட்டு மாப்பிள்ளை என்றொரு நிகழ்ச்சி. ஆர்யாவின் ப்ளேபாய் பிம்பம் வருசத்திற்கு ஒருமுறை படம் பார்க்கவருகிற ரசிகனுக்கும் தெரியும். ஆனால், "இந்த நிகழ்ச்சிக்கு நீங்க பணம் வாங்கிகிட்டு பண்றீங்கன்னு பேசிக்கிறாங்களே?" என்று தொகுப்பாளினியாக வரும் நடிகை சங்கீதா கேட்கிறார். அதை ஆர்யா மறுக்கிறார்.

ஆர்யா, இப்படியொரு நிகழ்ச்சி பண்ணியிருக்கிறார் என்பது அந்த புரோமோவைப் பார்த்தபிறகுதான் நமக்கே தெரிகிறது. ரகசியமாக நடந்த படப்பிடிப்புக்கு நடுவே ஆர்யா, பணம் வாங்கிக்கொண்டு புரோக்ராம் பண்ண ஒப்புக்கொண்டாரா இல்லையா என்கிற கேள்வி எங்கே வந்தது? யார் எழுப்பியது!?

இது எல்லாம் போகட்டும், மன்னித்துவிடுவோம்! போகப்போக நிகழ்ச்சியின் சுவாரஸ்யம் எல்லாவற்றையும் மறக்கடித்து விடும்.பத்திரிகையாளர் சந்திப்பு நடக்கிற அரங்கிற்குள் நுழையும்போது ஒரு பேம்லெட் கொடுத்தார்கள். கலர்ஸ் என்னவெல்லாம் செய்யப்போகிறது என்பதற்கான சின்ன முன்னோட்டமும், கதைச் சுருக்கமும். அதில் எவ்வளவு எழுத்துப் பிழைகள்! ஒற்றுப்பிழைகள்?

மேடைக்கு கீழே இருந்த பலர்தான் இன்று மேடையேறினார்கள்... கலர்ஸ் 'தமிழ்'!?

- வீகேஎஸ்

For Quick Alerts
ALLOW NOTIFICATIONS
For Daily Alerts

    English summary
    Is Colors channel clicks in Tamil TV world? Here is an analysis.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more