For Quick Alerts
ALLOW NOTIFICATIONS  
For Daily Alerts

மெர்சல்... முதல் நாள் பாக்ஸ் ஆபீஸ் கலெக்க்ஷன் சாதனையா?

By Shankar
|

தமிழ் சினிமாவில் முதல் நாள் வசூலில் சாதனைப் படைத்தது 'கபாலி' படம்தான். அந்தப் படத்தின் முதல் நாள் வசூல் சுமார் 22 கோடி, தமிழ் நாட்டில் மட்டும்.

உலக அளவில் ரூ 100 கோடியை முதல் நாளே தாண்டிய படம் அது.

Is Mersal first day collection a new record?

அஜித்குமார் நடித்து வெளிவந்த 'விவேகம்' படம் அந்த சாதனையை முறியடிக்கும் என்று சொன்னார்கள். ஆனால், 'விவேகம்' படம் சுமார் ரூ 16 கோடி மட்டுமே முதல் நாள் வசூலித்தது, தமிழகத்தில்.

இப்போது விஜய் நடித்துள்ள 'மெர்சல்' படம் தீபாவளி பண்டிகைக்கு வெளியாகியுள்ளதால் இந்தப் படம் கபாலி, விவேகம் படங்களின் முதல் நாள் வசூலை முறியடிக்குமா என்ற எதிர்பார்ப்பு பாக்ஸ் ஆபீசில் எழுந்தது.

Is Mersal first day collection a new record?

'மெர்சல்' படம் தமிழ்நாட்டில் மட்டும் சுமார் 650 க்கும் மேற்பட்ட தியேட்டர்களில் வெளியாகியிருக்கிறது. இது கபாலி, விவேகம் படங்களை காட்டிலும் அதிகம்.

தீபாவளி என்றாலே மக்களின் முதல் பொழுதுபோக்கு செலவு சினிமா. மெர்சல் படம் வருமா வராதா என்ற விவாதம் கடந்த ஒரு வார காலமாக தமிழக ஊடகங்களில் விவாதப் பொருளாக இருந்தது.

தமிழக மக்களின் கவனத்தை மெர்சல் பக்கம் திருப்பி பெரும் எதிர்பார்ப்பை ஏற்படுத்தியது. படத்தில் அப்படி என்னதான் இருக்கிறது என்பதை பார்க்கும் ஆவலை எல்லோருக்கும் ஏற்படுத்தியது.

Is Mersal first day collection a new record?

தீபாவளி அன்று ரஜினிகாந்த் படங்களுக்கு இணையாக மெர்சல் படத்துக்கு ஓபனிங் இருந்ததுடன் வசூல் அபரிமிதமாக, அனைத்து தியேட்டர்களும் அரங்கு நிறைந்த காட்சிகளாகவே தொடங்கியது.

குறைந்த பட்சம் 100 ரூபாயில் தொடங்கி 1000 ம் ரூபாய் வரை மெர்சல் பட டிக்கட் விற்பனை செய்யப்பட்டது.

முதல் நாள் மெர்சல் படம் டிக்கட் விற்பனை மூலம் பாக்ஸ் ஆபீஸ் கலெக்க்ஷன் ரூ 20 கோடியை கடந்து சாதனை படைத்துள்ளது.

கபாலி, விவேகம் இரு படங்களும் சாதாரண நாட்களில் வெளியாகின. போட்டிக்கு வேறு முண்ணனி நடிகர்கள் படங்கள் ரீலீஸ் ஆகவில்லை என்பது குறிப்பிடத்தக்கது.

Is Mersal first day collection a new record?

அதே சூழல்தான் மெர்சல் படத்துக்கும் இருந்தது என்றாலும் தீபாவளி பண்டிகை என்பது கூடுதல் பலம் என்பதுடன் அதிக தியேட்டர்கள் என்பது குறிப்பிடத்தக்கது. எனவே ரஜினிகாந்த், அஜித்குமார் படங்களின் முதல் நாள் வசூல் கணக்குடன் மெர்சல் கலெக்க்ஷனை ஒப்பிடுவது சரியாக இருக்காது என்கிறார்கள் பாக்ஸ் ஆபீசில்.

ஆனாலும், விஜய்யின் கேரியரில் இதுதான் மிகப் பெரிய ஓபனிங் வசூல் என்பதில் எந்த மிகையும் இல்லை!

- ஏகலைவன்

English summary
Is Mersal first day collection a record in Box Office? Here is an analysis.

சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more