Click it and Unblock the Notifications
கமல் கஷ்டத்தைத் தீர்க்க இலவசமாக நடித்துத் தருகிறார் ரஜினி?
தாங்கள் கேள்விப்படும் செவி வழி தகவல்களை, நம்பகமான செய்திகளாகவே கொட்டி வருகின்றனர் ஆர்வக் கோளாறில்.
அந்த வகையில் இப்போது வந்துள்ள ஒரு 'செய்தி' இது. கமல் கஷ்டத்தைப் போக்க, அவர் இயக்கத்தில் இலவசமாகவே நடித்துக் கொடுக்கப் போவதாக ரஜினி அறிவித்துள்ளாராம்.
இதனை ட்விட்டரிலும் பேஸ்புக்கிலும் பிரபலங்கள் கூட பகிர்ந்து வருவதால், இதற்கு ஒரு நம்பகத் தன்மை வந்துவிட்டது.
எனவே அனைவருமே இந்த செய்தி குறித்து தீவிரமாக விசாரித்து வருகின்றனர்.
"கமலுக்கு நேர்ந்துள்ள பிரச்சினையைத் தீர்க்கும் முயற்சியில் ரஜினி தீவிரமாக உள்ளது உண்மைதான். அரசியல் மற்றும் அரசு ரீதியான பிரச்சினைகளைத் தீர்க்க ரஜினி சிலரிடம் பேசி வருகிறார். ஆனால் கமலுக்கு இலவசமாக படம் நடித்துத் தருகிறேன் என்று அவர் ஒருபோதும் சொல்லவில்லை. இது தேவையின்றி அவரை சிக்கலில் மாட்டிவிடும் முயற்சி," என்றனர் நாம் விசாரித்தபோது.
ரஜினி தரப்பில் கேட்டபோதும், அப்படி எந்த அறிவிப்பையும் ரஜினி வெளியிடவில்லை என்றனர்.
பிரச்சினையின் உண்மையான காரணத்தைத் தீர்க்காமல் ரஜினியே படம் நடித்துக் கொடுத்தாலும் நாளை அந்தப் படத்துக்கும் இதே நிலைதான் வரும் என்பது ரஜினிக்கும் புரியுமல்லவா!
Continue with Google