"காப்பி அடிக்கிறதைகூட ஒழுங்கா செய்ய மாட்டீங்களா".. சாஹோ படக்குழுவை நக்கலடிக்கும் பிரெஞ்சு டைரக்டர்!

காப்பியடிக்கப்பட்ட செட்

சாஹோ படத்தில் இடம்பெற்ற பேபி வோன்ட் யூ டெல் மி பாடலில் வரும் ஒரு குறிப்பிட்ட செட் பெங்களூரை சேர்ந்த ஷிலோ ஷிவ் சுலேமானின் படைப்பில் இருந்து காப்பியடித்தது என புகார் எழுந்தது. இதுகுறித்து ஷிலோ ஷிவ் தனது சமூக வலைதளத்தை அம்பலப்படுத்தி படக்குழுவை விளாசினார்.

புதிய சர்ச்சை

இந்நிலையில் சாஹோ திரைப்படம் மற்றொரு சர்ச்சையில் சிக்கியுள்ளது. தன்னுடைய லார்கோ விஞ்ச் படத்தை அப்படியோ காப்பியடித்து சாஹோ படத்தை எடுத்திருப்பதாக பிரபல பிரெஞ்சு இயக்குனர் ஜெரோம் சாலே குற்றஞ்சாட்டியுள்ளார். இது குறித்து தனது டிவிட்டர் பக்கத்தில் காட்டமான பதிவு ஒன்றையும் அவர் வேளியிட்டுள்ளார். இந்நிலையில் சாஹோ திரைப்படம் மற்றொரு சர்ச்சையில் சிக்கியுள்ளது. தன்னுடைய லார்கோ விஞ்ச் படத்தை அப்படியோ காப்பியடித்து சாஹோ படத்தை எடுத்திருப்பதாக பிரபல பிரெஞ்சு இயக்குனர் ஜெரோம் சாலே குற்றஞ்சாட்டியுள்ளார். இது குறித்து தனது டிவிட்டர் பக்கத்தில் காட்டமான பதிவு ஒன்றையும் அவர் வேளியிட்டுள்ளார்.

ஜெரோம் நக்கல்

அதில் அவர், " லார்கோ விஞ்சின் இரண்டாவது ஃரீமேக் இது (சாஹோ). முதலாவதை போலவே இதுவும் மிக மோசம். தெலுங்கு இயக்குனர்களே எனது படத்தை திருடி எடுத்தால், தயவு செய்து அதை ஒழுங்காக எடுங்கள். இந்தியாவில் எனக்கு நல்ல எதிர்காலம் இருக்கிறது என நினைக்கிறேன்", என தெரிவித்துள்ளார்.

படத்திற்கு பின்னடைவு

ஜெரோமின் இந்த டிவீட் வைரலாக பரவி வருகிறது. ஏற்கனவே ரசிகர்கள் சாஹோ படத்தை கழுவி கழுவி ஊற்றி வருகிறார்கள். இந்நிலையில் பிரெஞ்சு இயக்குனர் வைத்திருக்கும் குட்டு, படத்திற்கு மேலும் பின்னடைவை ஏற்படுத்தியுள்ளது.