சமந்தா - சித்தார்த் ரகசிய திருமணம்? பட வாய்ப்புக்காக மறைக்கிறார்களா?

காதல்

சித்தார்த்தும் சமந்தாவும் ‘ஜபர்தஸ்த்' என்ற தெலுங்கு படத்தில் ஜோடியாக நடித்தனர். அப்போது இருவருக்கும் காதல் மலர்ந்ததாகக் கூறப்பட்டது.

ஜோடியாக

காளஹஸ்தி உள்ளிட்ட கோவில்களில் இருவரும் ஜோடியாக சென்று சிறப்பு பூஜைகள் செய்தனர். இதன் மூலம் அவர்கள் காதல் விவகாரம் பகிரங்கமானது. ஆனாலும் காதலை வெளிப்படையாக அறிவிக்காமல் ரகசியம் காத்து வந்தனர்.

சித்தார்த்துடன்

இந்த நிலையில்தான் சமந்தா தற்போது சித்தார்த் வீட்டில் குடியேறியுள்ளதாக தகவல் பரவியுள்ளது. இதுவரை சமந்தா நடிக்கும் படங்களின் கால்ஷீட் விவகாரங்களை அவரது பெற்றோர் கவனித்து வந்தனர். தற்போது அது சித்தார்த் குடும்பத்தார் கைக்கு மாறிவிட்டதாம்.

புது கால்ஷீட் மேனேஜர்

சித்தார்த்தின் தந்தைதான் இப்போது சமந்தாவின் கால்ஷீட் மேனேஜராக செயல்படுவதாக, அவரை ஒப்பந்தம் செய்யப் போனவர்கள் தெரிவித்துள்ளனர்.

ரகசிய திருமணம்

சித்தார்த்தும் சமந்தாவும் ரகசியமாக திருமணம் செய்து கொண்டதாகவும், வெளியில் தெரிந்தால் பெரிய பட வாய்ப்புகள் குறைந்துவிடும் என்பதால் இருவரும் மறைத்து வருவதாகவும் கூறப்படுகிறது.