என்னது இவரும் வைல்காடு என்ட்ரியா...உருடுக்கட்டை வேற காத்திருக்காமே

டிரெண்டிங் பிளேயர் வனிதா

வந்த நாள் முதல் வனிதா செய்த அலப்பறைகளால் அவர் மீது தான் ரசிகர்கள் கடுப்பாகி உள்ளனர். அவர் குறைவான ஓட்டுக்களுடன் இருந்ததால் அவர் தான் முதல் ஆளாக வெளியேறுவார் என நினைத்த நிலையில், சுரேஷ் சக்கரவர்த்தியை வெளியேற்றி உள்ளனர். இந்த வாரமும் வனிதாவை காப்பாற்ற டிரெண்ட் பிளேயர் என்ற புதிய விஷயத்தை கொண்டு வந்துள்ளனர். இதனால் ரசிகர்கள் அதிருப்தியில் இருக்கிறார்கள்.

ஜுலியை

இந்நிலையில் இரண்டாவது வாரத்திற்கான நாமினேஷன் இன்று நடத்தப்பட்டது. ஆனால் இது கடந்த வாரத்தை போல் இல்லாமல் ஓப்பன் நாமினேஷனாக நடத்தப்பட்டது. பிக்பாஸ் அல்டிமேட்டின் முதல் ஓப்பன் நாமினேஷன் இதுவாகும். இதில் அதிகமானவர்கள் ஜுலியை நாமினேட் செய்தனர். இதற்கிடையில் டிரெண்டிங் பிளேயர் ஒவ்வொரு வாரமும் தேர்வு செய்யப்பட்டு, நாமினேஷனில் இருந்து காப்பாற்றப்படுவார் என கூறப்பட்டுள்ளதால் இனி போட்டியாளர்கள் அனைவருமே இறங்கி விளையாடுவார்கள் என்ற நிலை உள்ளது.

இரண்டு வைல்கார்டு என்ட்ரி

பிக்பாஸ் அல்டிமேட்டில் 16 பேர் போட்டியாளர்களாக கலந்து கொள்வார்கள் என்றார்கள். ஆனால் இதுவரை 14 பேர் மட்டுமே வீட்டிற்குள் அனுப்பப்பட்டுள்ளனர். மீதமுள்ள இரவர் வைல்கார்டு என்ட்ரியாக அனுப்பப்பட உள்ளனர். ஏற்கனவே ஓவியா வைல்கார்டு என்ட்ரியாக உள்ளே வர போகிறார். அவர் தற்போது தனிமையில் இருப்பதாகவும், இந்த வாரம் முதல் வைல்கார்டு என்ட்ரி நடக்கும் என்றும் கூறப்படுகிறது.

என்னது...உருட்டுக்கட்டையா

இந்நிலையில் பிக்பாஸ் சீசன் 5 ல் கன்டென்ட் கொடுத்து, பரபரப்பை கிளப்பிய அபிஷேக் ராஜாவிடம் இன்ஸ்டாகிராமில் ரசிகர் ஒருவர், பிக்பாஸ் அல்டிமேட் வைல்கார்டு என்ட்ரியாக உள்ளே போக வாய்ப்புள்ளதா என கேட்டுள்ளார். இதற்கு, ஆமாம். இந்த வாட்டி சாக்கு மூட்டைல அனுப்ப போறாங்க. கண்ணீர் விட்டு கதறுற மாதிரி வனிதா அக்காவை உருட்டு கட்டையோட ஓப்பன் பண்ண சொல்லிருக்காங்க என பதிலளித்துள்ளார் அபிஷேக்.

அப்போ அப்படி...இப்போ...

பிக்பாஸ் சீசன் 5 ல் எலிமினேஷனில் வெளியேற்றப்பட்டு விட்டு, வைல்கார்டு என்ட்ரியாக வந்த அபிஷேக்கை பெரிய சைஸ் அட்டை பெட்டிக்குள் வைத்து அனுப்பினர். இதை திறந்த போது, உள்ளே இருந்து அபிஷேக் இருந்ததை பார்த்து மற்ற போட்டியாளர்கள் அலறி கத்தினர்.