Don't Miss!
- Automobiles சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
24-ல் வெளியாகிறது அறிவிப்பு.. விஜய் ஆண்டனியின் 'பிச்சைக்காரன் 2' படத்தின் டைரக்டர் இவர்தான்..!
சென்னை: விஜய் ஆண்டனியின் பிச்சைக்காரன் 2 படத்தை இயக்கப் போவது யார் என்பது தெரியவந்துள்ளது.
Recommended Video
விஜய் ஆண்டனி நடித்து, கடந்த 2016 ஆம் ஆண்டு வெளியாகி சூப்பர் ஹிட்டான படம், 'பிச்சைக்காரன்'.
இந்தப் படம் தெலுங்கிலும் பல புதிய சாதனைகளை படைத்தது. டப் செய்யப்பட்டு அங்கு வெளியான இந்தப் படம் நூறு நாட்களை கடந்து ஓடியது.
கர்ணன்.. கட்டபொம்மனை யார் பார்த்தா.. அதை கண்ணில் காட்டிய நடிகர் திலகத்தின் நினைவு தினம் இன்று!
வியாபார மார்க்கெட்
விஜய் ஆண்டனி, சட்னா டைட்டஸ், தீபா ராமானுஜம், பகவதி பெருமாள், கோவிந்த மூர்த்தி உட்பட பலர் இந்தப் படத்தில் நடித்திருந்தனர். சசி இயக்கிய இந்தப் படத்துக்கு விஜய் ஆண்டனி இசை அமைத்திருந்தார். 2016 ஆம் ஆண்டு மார்ச் மாதம் வெளியான இந்தப் படம் சூப்பர் டூப்பர் ஹிட்டானது. விஜய் ஆண்டனிக்கு பெரிய வியாபார மார்க்கெட்டை உருவாக்கிய இந்தப் படத்தின் பாடல்களும் சூப்பர் ஹிட்டாகின.
அடுத்த பாகம்
இந்தப் படத்தின் அடுத்த பாகத்துக்கான கதையை எழுதி வருவதாக, விஜய் ஆண்டனி கடந்த சில மாதங்களுக்கு முன், தெரிவித்திருந்தார். கடந்த சில மாதமாக இதன் ஸ்கிரிப்டை எழுதி வருவதாகவும் முதல் பாகத்தை இயக்கிய சசி மற்றப் படங்களில் பிசியாக இருப்பதால், இரண்டாம் பாகத்தை அவர் இயக்கவில்லை என்றும் கூறியிருந்தார்.
அற்புதமான ஆண்டு
இந்நிலையில், வரும் 24 ஆம் தேதி விஜய் ஆண்டனிக்கு பிறந்த நாள். அன்று அவரது புதிய படம் குறித்த அறிவிப்பையும் இயக்குனர் யார் என்பதையும் அந்தப் படக்குழு வெளியிட இருக்கிறது. இதுபற்றி விஜய் ஆண்டனி கூறும்போது, ' இதுகுறித்த அறிவிப்பு கண்டிப்பாக ஆச்சரியமிக்கதாக இருக்கும். மேலும் விவரங்களுக்கு காத்திருங்கள். 2021ஆம் ஆண்டு சினிமாவுக்கு அற்புதமான ஆண்டாக அமையப் போகிறது.
பிரியா கிருஷ்ணசாமி
நேர் மறையான கருத்துக்களையே என் படங்களில் வலியுறுத்துவது வழக்கம். இந்தப் படமும் அப்படியே' என்று கூறியிருந்தார். இந்நிலையில் இந்தப் படத்தை தேசிய விருது பெற்ற இயக்குனர் ஒருவர் இயக்குவதாகக் கூறியிருந்தனர். இதற்கிடையே பிரியா கிருஷ்ணசாமி இந்தப் படத்தை இயக்க இருக்கிறார் என்று செய்தி வெளியாகி இருக்கிறார். இவர் தேசிய விருது பெற்ற பாரம் படத்தை இயக்கியவர்.
அக்னி சிறகுகள்
நடிகர் விஜய் ஆண்டனி, இப்போது, பாபு யோகேஸ்வரன் இயக்கியுள்ள 'தமிழரசன்', நவீன் இயக்கும் 'அக்னி சிறகுகள்', 'வாய்மை' செந்தில்குமார் இயக்கும் 'காக்கி' ஆகிய படங்களில் நடித்து வருகிறார். மற்றும் 'மெட்ரோ' ஆனந்த கிருஷ்ணன், விஜய் மில்டன் மற்றும் பாலாஜி கே.குமார் ஆகியோர் இயக்கும் படங்களிலும் நடிக்க இருக்கிறார். இதற்கிடையே, பிச்சைக்காரன் 2 படத்திலும் நடிக்க உள்ளார்.