twitter
    For Quick Alerts
    ALLOW NOTIFICATIONS  
    For Daily Alerts

    நடிகர் விஜய் அம்மா பெயரில் புதிய ட்விட்டர் கணக்கு.. உண்மையா? ஃபேக்கா? குழப்பத்தில் ரசிகர்கள்!

    |

    சென்னை: இயக்குநர் எஸ்.ஏ. சந்திரசேகரின் மனைவியும் நடிகர் விஜய்யின் அம்மாவும் பின்னணி பாடகியுமான ஷோபா சந்திரசேகர் பெயரில் புதிய ட்விட்டர் கணக்கு தொடங்கப்பட்டுள்ளது.

    இந்த ட்விட்டர் கணக்கு போலி என ஏகப்பட்ட ரசிகர்கள் அந்த கணக்கில் இருந்து ஷேர் செய்யப்பட்ட முதல் போஸ்ட்டுக்கு கீழே கமெண்ட்டுகள் குவிந்து வருகின்றன.

    ஆனால், சில பி.ஆர்.ஓக்கள் அந்த கணக்கை ஃபாலோ செய்துள்ளதால் ரசிகர்கள் பெரும் குழப்பத்தில் ஆழ்ந்துள்ளனர்.

    தனுஷ் புரூஸ் லீ போல மூன்று விதமான ஆக்சன் போஸில்... குடியரசுதினத்தில் வெளியாகும் ஃபர்ஸ்ட் சிங்கிள்!தனுஷ் புரூஸ் லீ போல மூன்று விதமான ஆக்சன் போஸில்... குடியரசுதினத்தில் வெளியாகும் ஃபர்ஸ்ட் சிங்கிள்!

    ஷோபா சந்திரசேகர்

    ஷோபா சந்திரசேகர்

    தயாரிப்பாளர், கதையாசிரியர், பின்னணி பாடகி என பன்முகத் திறமை கொண்டவர் ஷோபா சந்திரசேகர். இயக்குநர் எஸ்.ஏ. சந்திரசேகரை திருமணம் செய்து கொண்ட ஷோபா சந்திரசேகர் 1974ம் ஆண்டு ஜூன் 22ம் தேதி நடிகர் விஜய்யை பெற்றார். நடிகர் விஜய்யின் நெஞ்சினிலே படத்தின் கதையாசிரியரும் இவர் தான். மகன் விஜய்யுடன் இணைந்து ஏகப்பட்ட சினிமா பாடல்களையும் பாடியுள்ளார்.

    ட்விட்டர் கணக்கு

    ட்விட்டர் கணக்கு

    73 வயதாகும் ஷோபா சந்திரசேகர் ட்விட்டரில் புதிதாக இணைந்துள்ளதாக ஒரு கணக்கு சமூக வலைதளத்தில் வைரலாகி வருகிறது. நடிகர் விஜய்யை மட்டுமே அந்த கணக்கு ஃபாலோ செய்திருக்கிறது. ஒரே நாளில் 5000 பேர் அந்த கணக்கை பின் தொடர்ந்துள்ளனர். ஆனால், இந்த கணக்கு உண்மையா? போலியா? என்கிற சந்தேகம் ரசிகர்கள் மத்தியில் எழுந்துள்ளது.

    அம்மாவுடன் விஜய்

    அம்மாவுடன் விஜய்

    தளபதி விஜய் பீஸ்ட் பட கெட்டப்பில் அவர் அம்மா ஷோபா சந்திரசேகர் உடன் எடுத்துக் கொண்ட புகைப்படத்தை இந்த ட்விட்டர் கணக்கு முதல் போஸ்ட்டாக போட்டு ஃபாலோயர்களை அள்ளி வருகிறது. கடந்த சில ஆண்டுகளாகவே நடிகர் விஜய்க்கும் அவரது பெற்றோருக்கும் பிரச்சனை ஏற்பட்டு வரும் நிலையில், இப்படியொரு ஐடி இணையத்தில் உலாவி வருவது சந்தேகத்தை கிளப்பி உள்ளது.

    இது ஃபேக் ஐடி

    இது ஃபேக் ஐடி

    விஜய் ரசிகர்கள் பலரும் இது ஃபேக் ஐடி என்றும் அம்மா ஷோபா சந்திரசேகருக்கு சமூக வலைதள பக்கங்களில் எந்தவொரு கணக்கும் இல்லை என்றும் சமீபத்தில் எடுக்கப்பட்ட நடிகர் விஜய்யின் புகைப்படத்தை வைத்து இப்படி யாரோ ஒரு நெட்டிசன் விளையாடி வருகிறார் என விஜய் ரசிகர்கள் ரிப்போர்ட் அடித்து வருகின்றனர்.

    கலாய்க்கும் நெட்டிசன்கள்

    கலாய்க்கும் நெட்டிசன்கள்

    நீங்க ஃபேக் ஐடியா என கலாய்த்து ஏகப்பட்ட ரசிகர்கள் மீம் போட்டு வருகின்றனர். விஜய் ரசிகர்கள் இது கண்டிப்பாக ஃபேக் ஐடி தான் எல்லோரும் ரிப்போர்ட் பண்ணி இந்த ஐடியை தூக்குங்க என ஏகப்பட்ட கமெண்ட்டுகளை போட்டு வருகின்றனர். இதுதொடர்பாக அதிகாரப்பூர்வ விளக்கம் வருமா? என்றும் ரசிகர்கள் எதிர்பார்த்து காத்திருக்கின்றனர். மேலும், நவம்பர் மாதமே தொடங்கப்பட்ட இந்த கணக்கில் இப்போதுதான் முதல் போஸ் போடப்பட்டிருப்பது குறிப்பிடத்தக்கது.

    மகள் பெயரிலும்

    மகள் பெயரிலும்

    ஏற்கனவே நடிகர் விஜய்யின் மகள் திவ்யா சாஷா பெயரிலும் இதே போல போலி ட்விட்டர் கணக்கு ஒன்று வலம் வந்து கொண்டிருந்தது. அப்படியே நடிகர் விஜய்யின் மகள் போலவே அவர் பதிவிடும் ட்வீட்களை பார்த்து ஏகப்பட்ட விஜய் ரசிகர்களே ஏமாந்து போனார்கள். பின்னர் அது ஃபேக் ஐடி என தெரிய வந்ததும் அந்த ஐடிக்கு எதிராக விஜய் ரசிகர்கள் ரிப்போர்ட் அடித்தனர் என்பது குறிப்பிடத்தக்கது. இதே போல பல பிரபலங்களின் பெயர்களிலும் போலி ட்விட்டர் கணக்கு உலாவி வருவது குறிப்பிடத்தக்கது.

    English summary
    Vijay fans commenting below the post of Shoba Chandrasekhar twitter id is a fake one and fans requesting all to please report about it.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X