வெளியானது தளபதி 66 ஃபர்ஸ்ட்லுக் போஸ்டர்...எங்கேயோ பார்த்த மாதிரி இருக்கே ?

ஸ்டையிலான தளபதி 66 ஃபர்ஸ்ட்லுக்

அறிவித்த படி இன்று மாலை சரியாக 6 மணிக்கு தளபதி 66 படத்தின் ஃபர்ஸ்ட்லுக் போஸ்டரை படக்குழு வெளியிட்டது. இதில் ட்ரிம் செய்யப்பட்ட தாடி, செம ஸ்டையிலாக கோட் ஷுட் அணிந்து விஜய் அமர்ந்திருப்பது போன்று இந்த ஃபர்ஸ்ட்லுக் போஸ்டர் அமைக்கப்பட்டிருந்தது.

தளபதி 66 டைட்டில் வாரிசு

அதோடு தளபதி 66 படத்திற்கு வாரிசு தி பாஸ் ரிட்டர்ன்ஸ் என பெயரிடப்பட்டுள்ளது. இந்த போஸ்டரையும், டைட்டிலையும் ரசிகர்கள் கொண்டாடி வருகின்றனர். தளபதி 66 படம் குடும்ப சென்டிமென்ட் படம் என்பதால் இப்படி ஒரு டைட்டிலை வைத்துள்ளார்கள் என பலரும் கூறி வருகிறார்கள்.

லைக்குகளை அள்ளிய போஸ்டர்

தளபதி 66 படத்தின் போஸ்டர் வெளியிடப்பட்ட 20 நிமிடங்களிலேயே 20 லட்சம் லைக்குகள் குவிந்துள்ளன. நீண்ட இடைவேளைக்கு பிறகு விஜய்யை பக்காவான ஸ்மாட்லுக்கில் பார்த்ததால் ரசிகர்கள் செம குஷியாகி விட்டனர். தளபதி 66 ஃபர்ஸ்ட்லுக் போஸ்டர் தற்போது செம டிரெண்டாகி உள்ளது. அதோடு விஜய்க்கு பிறந்தநாள் வாழ்த்துக்களும் குவிந்து வருகிறது.

எங்கேயோ பார்த்த மாதிரி இருக்கே

ஆனால் இந்த போஸ்டரின் பேக்கிரவுண்ட், பல அடுக்கு மாடியில் விஜய் அமர்ந்திருப்பது போன்றும், வெள்ளை நிறம் கலர்ந்ததாக அமைக்கப்படடுள்ளது. இந்த பேக்கிரவுண்ட், விஜய் அணிந்திருக்கும் கோட் ஷுட் ஆகியவற்றை பார்த்தால் கபாலி படத்தின் ஃபர்ஸ்ட்லுக்கை நினைவுபடுத்துவதாக உள்ளது.

அட...ஆமாங்க...இதே தான்

கபாலி படத்தின் ஃபர்ஸ்ட்லுக் போஸ்டரிலும் இதே போல் ஒரு பேக்கிரவுண்ட், பல அடுக்கு மாடி கட்டிடத்தில், வேறு எந்த பொருளும் இல்லாத ஒரு அறையில் பெரிய சோஃபாவில் ரஜினி கால் மேல் கால் போட்டு ஸ்டையிலாக அமர்ந்திருப்பார். படத்தின் கதை மலேசியாவில் நடப்பதாக காட்டப்படுவதால் ட்வின் டவர்சும் தூரத்தில் தெரிவதாக இருக்கும்.

ரஜினி ஸ்டைலில் டைட்டில்

படத்தின் டைட்டில் ரஜினி பட ஸ்டைலில் The Boss என்ற வார்த்தையை பயன்படுத்தி இருந்தார்கள். டைட்டிலில் மட்டுமல்ல போஸ்டரும் ரஜினி பட ஃபர்ஸ்ட்லுக்கை நினைவுபடுத்துவதாக அமைக்கப்பட்டுள்ளதால், அடுத்த ரஜினி ஆக முயற்சி செய்கிறாரா விஜய் என்றும் நெட்டிசன்கள் கேள்வி எழுப்பி வருகின்றனர்.

போஸ்டரிலேயே ஆரம்பிச்சுடீங்களா

விஜய்யின் முந்தைய படமான பீஸ்ட் படத்தின் டீசர், டிரைலர் தான் காப்பி, மிக்சிங் என பல விதமான விமர்சனங்களை பெற்றது என்று பார்த்தால், தளபதி 66 படத்திற்கு ஃபர்ஸ்ட் லுக் போஸ்டரிலேயே விமர்சனங்களையும், சந்தேகங்களையும் கிளப்ப துவங்கி விட்டனர். ஆனாலும் இந்த போஸ்டரை முதலில் பார்க்கும் அனைவருக்கும் கபாலி படம் மனதில் வந்து போகிறது என்றே பெரும்பாலானோர் கமெண்ட் செய்து வருகின்றனர்.