அது ரஜினி இல்லீங்க, எங்க தலைவர் தான்: விஷால் ரசிகர்கள் கெளம்பிட்டாங்கய்யா , கெளம்பிட்டாங்கய்யா

நடிகர்

2018-2019 ஆம் ஆண்டுக்கான விளம்பி வருஷத்திய வாக்கிய பஞ்சாங்கத்தில் பிரபல நடிகர் கட்சி ஆரம்பிப்பார் என்று கணிக்கப்பட்டுள்ளது. இதனை நமது ஒன் இந்தியா தமிழ் இணையதளம் செய்தியாக வெளியிட்டுள்ளது. அது ரஜினி தான் என்று பலரும் நினைக்கிறார்கள்.

அறிவிப்பு

நான் அரசியலுக்கு வருவேன் என்று சொல்லவில்லை. அரசியல் குறித்து நான் எடுக்கும் முடிவை வரும் 31ம் தேதி அறிவிப்பேன் என்று ரஜினி இன்று கூறியதை கேட்டு அவரது ரசிகர்கள் சோர்வடைந்துள்ளனர். தலைவர் மறுபடியும் முதலில் இருந்து ஆரம்பிக்கிறாரே என்று வருத்தம் அடைந்துள்ளனர்.

ரசிகர்கள்

பஞ்சாங்கம் சொல்வது ரஜினியை பற்றி அல்ல மாறாக எங்கள் தலைவர் விஷாலை பற்றி தான் என்று அவரின் ரசிகர்கள் பெருமையாக கூறுகிறார்கள்.

விரட்டல்

ஆர்.கே. நகர் இடைத்தேர்தலில் வேட்புமனு தாக்கல் செய்தே விஷால் படாதபாடு பட்டுவிட்டார். அதை அவர் அவ்வளவு சீக்கிரம் மறக்க முடியாது. இந்நிலையில் ரிஸ்க் எல்லாம் எங்கள் தலைவருக்கு ரஸ்க் மாதிரி. அவர் நிச்சயம் அரசியலுக்கு வருவார், மாற்றத்தை ஏற்படுத்துவார் என்று பன்ச் வசனம் பேசிக் கொண்டிருக்கிறார்கள் விஷால் ரசிகர்கள்.