அக்ஷராவை தனுஷுக்கு ஜோடியாக்கியதே ஸ்ருதிதானாமே!!

கெமிஸ்ட்ரி

தனுஷ் - ஸ்ருதி கெமிஸ்ட்ரி படத்தில் மட்டுமல்ல, படத்துக்கு வெளியிலும் பேசப்படும் விஷயமாகிவிட்டது. இருவரைப் பற்றியும் ஏக கிசுகிசுக்கள். ஸ்ருதிக்காக தனுஷ் மும்பையில் தனி வீடு பார்த்துக் கொடுத்துவிட்டார், இருவரும் ஒன்றாக வசிக்கிறார்கள் எனும் அளவுக்கு.

மறுப்பு

ஆனால் அதையெல்லாம் மறுத்த தனுஷ், மும்பையில் தாம் ஸ்ருதியை சந்திக்கவே இல்லை என்றார். அதன் பிறகு இருவர் பற்றிய பரபரப்பான சமாச்சாரங்கள் எதுவும் இல்லாமலிருந்தது மீடியாவில்.

பால்கி இயக்கத்தில்

இப்போது பால்கி இயக்கத்தில் உருவாகும் புதிய இந்திப் படத்தில் நடிக்கிறார் தனுஷ். அமிதாப் பச்சன் முக்கிய வேடத்தில் நடிக்கும் இந்தப் படத்துக்கு இளையராஜா இசையமைக்கிறார்.

அக்ஷரா ஜோடி

இந்தப் படத்தில் தனுஷுக்கு ஜோடியாக நடிப்பவர் அக்ஷரா ஹாஸன். ஸ்ருதியின் தங்கை. இந்த ஜோடி பல விஷயங்களில் பரபரப்பாக பேசப்படும் ஜோடியாகிவிட்டது.

முதல் படம்

ஸ்ருதியைப் பொருத்தவரை தமிழில் அவர் நடித்த முதல் படம் 3. முதல் ஹீரோ தனுஷ். அதேபோல தங்கை அக்ஷராவுக்கும் முதல் படம், முதல் ஹீரோ தனுஷ்தான்.

சிபாரிசு பண்ணதே ஸ்ருதிதான்

இந்தப் படத்தில் முதலில் தனுஷுக்கு ஜோடியாக நடிக்கவிருந்தவர் ஸ்ருதிஹாஸன்தானாம். ஆனால் ஏற்கெனவே இருவர் பற்றியும் தாறுமாறான செய்திகள் வந்ததால், அக்ஷராவை ஜோடியாக்குமாறு சிபாரிசு செய்ததே ஸ்ருதி ஹாஸன்தானாம்.

மீண்டும் கிளம்பிய கிசுகிசு

ஆனால் எதிர்ப்பார்த்ததற்கு மாறாக, இந்த சிபாரிசு மேலும் புதிய கிசுகிசுகளுக்கு வழிவகுத்துள்ளது. ஸ்ருதி - தனுஷ் குறித்து மீண்டும் எழுத ஆரம்பித்துள்ளனர்.