நயன்தாராவின் நெற்றிக்கண் படத்தின் "இதுவும் கடந்து போகும்" பாடல் வெளியீட்டு தேதி அறிவிப்பு!

ஹீரோக்களின் படங்களுக்கு

தமிழ் சினிமாவில் முன்னணி நடிகையாக உள்ள நயன்தாரா கதாநாயகிக்கு முக்கியத்துவம் தரும் கதைகளில் தொடர்ந்து நடித்து வெற்றியும் பெற்று வருகிறார். அந்த வகையில் நயன்தாரா லீட் ரோலில் நடித்து வெளியான பல திரைப்படங்கள் ஹீரோக்களின் படங்களுக்கு நிகராக வசூல் சாதனை புரிந்து வருகிறது. இவ்வேளையில் மிலிந்த் ராவ் இயக்கத்தில் தற்போது நெற்றிக்கண் என்ற படத்தில் நடித்து வருகிறார்.

சவாலான கதாபாத்திரங்களை

பிரபல ஹாலிவுட் படத்தின் ரீமேக் என சொல்லப்படும் நெற்றிக்கண்ணில் நயன்தாரா பார்வையற்ற மாற்றுத்திறனாளி பெண்ணாக நடித்துள்ளார். இதுவரை பல்வேறு சவாலான கதாபாத்திரங்களை ஏற்று நடித்து வந்த நயன்தாரா இந்த படத்தில் முதன்முறையாக பார்வையற்ற பெண்ணாக நடித்திருப்பது பலருக்கும் எதிர்பார்ப்பை ஏற்படுத்தியுள்ளது.

ரவுடி பிக்சர்ஸ்

காட்சிக்கு காட்சி திரில்லருடன் இதன் டீசர் சில மாதங்களுக்கு முன்பு வெளியாகி அனைவராலும் கொண்டாடப்பட்டது. விக்னேஷ் சிவன் நயன்தாரா இருவரும் இணைந்து நடத்திவரும் ரவுடி பிக்சர்ஸ் நிறுவனம் இந்த படத்தை தயாரித்து உள்ளது. இந்த நிலையில் இப்படத்தில் இடம்பெறும் முதல் பாடல் "இதுவும் கடந்து போகும்" வெளியீட்டு தேதி தற்போது அறிவிக்கப்பட்டுள்ளது.

சென்டிமென்டாக 9

இசையமைப்பாளர் கிரிஷ் இசையில் சித் ஸ்ரீராம் குரலில் பாடலாசிரியர் கார்த்திக் நேத்தா எழுதி இருக்கும் "இதுவும் கடந்து போகும்" பாடல் வரும் ஜூன் 9ஆம் தேதி காலை 9 மணிக்கு வெளியாகும் என்று அதிகாரப்பூர்வ அறிவிப்பு தற்போது வெளியாகி உள்ளது. மேலும் இது முழுக்க முழுக்க நயன்தாராவின் திரைப்படம் என்பதால் 9 மணி 9ம் தேதி என சென்டிமென்டாக 9 அடிப்படையில் இந்த பாடல் வெளியாக இருக்கிறது.