பிகிலில் மிஸ்ஸானது.. ஜடாவில் இருக்குமா? வைரலாகும் ஃபுட்பால் ஆந்தம்!

வித்தியாசம்

ஸ்போர்ட்ஸ் மற்றும் ஹாரர் கலந்த படங்கள் இதற்கு முன்னதாக வந்திருக்கிறதா என்பது சந்தேகம் தான். அந்த வகையில் வித்தியாசமான காம்பினேஷனாக ஜடா படம் உருவாகியுள்ளது. குமரன் இயக்கத்தில் உருவாகியுள்ள இந்த படத்தில் கதிருக்கு ஜோடியாக ரோஷினி பிரகாஷ் நடித்துள்ளார்.

கடும் போட்டி

டிசம்பர் 6ம் தேதி ரிலீசாகும் கதிரின் ஜடா படத்திற்கு கடும் போட்டி நிலவுகிறது. ஹரிஷ் கல்யாணின் தனுசு ராசி நேயர்களே, சுந்தர். சி-ன் இருட்டு, தினேஷின் இரண்டாம் உலகப்போரின் கடைசி குண்டு என வரிசைக் கட்டி பல இளம் ஹீரோக்களின் படங்கள் போட்டி போட காத்திருக்கின்றன. இவற்றுக்கு நடுவில் கதிர் கோல் அடிப்பாரா என்பதை பொறுத்திருந்து பார்ப்போம்.

பிகிலில் மிஸ்ஸானது

பெண்கள் ஃபுட்பால் படமாக உருவான பிகில் படத்தில் ரியாலிட்டி மிஸ் ஆன நிலையில், கதிரின் இந்த ஃபுட்பால் படத்தில் அந்த ரியாலிட்டி நிச்சயம் இருக்கும் என எதிர்பார்க்கப்படுகிறது. பிகில் படத்தை தொடர்ந்து, கதிர் மற்றும் யோகி பாபு இந்த படத்திலும் ஃபுட்பால் ஆடுகின்றனர்.

ஃபுட்பால் ஆந்தம்

பிகில் படத்தில் பெண்களுக்கான ஆந்தமாக சிங்கப்பெண்ணே பாடல் அனைவரையும் கவர்ந்தது. இந்நிலையில், கதிர் நடிக்கும் ஜடா படத்தில் ஃபுட்பால் ஆந்தம் ஒன்றை இசையமைத்துள்ளார் சாம் சி.எஸ். 'டாரக்கே டாரக்கே' என தொடங்கும் அந்த பாடலின் வீடியோ தற்போது வெளியாகி வைரலாகி வருகிறது.

டிரெண்டிங்

ஜடா படத்தின் ஃபுட்பால் ஆந்தம் ரிலீசாகியுள்ள நிலையில், ட்விட்டரில் டிரெண்டாகி வருகிறது. தமிழில் ஒரு ஃபுட்பால் ஆந்தம் என்றும் நைஸ் விசுவல்ஸ் என்றும் நெட்டிசன்கள் கமெண்ட் செய்து வருகின்றனர்.