Don't Miss!
- News உங்க ஐகியூவை டெஸ்ட் பண்ணிடலாம்.. எந்த டேங்கர் லாரி போய்க்கொண்டு இருக்கிறது.. முடிந்தால் கண்டுபிடிங்க
- Finance ரிலையன்ஸ் ஜியோ மூத்த அதிகாரி திடீர் ராஜினாமா..!!
- Sports ஜடேஜா பேட்டிங் முதல் ருதுராஜ் கேப்டன்சி வரை.. சிஎஸ்கே செய்த தவறுகள்.. தோல்விக்கு காரணமான 3 சம்பவம்!
- Automobiles ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- Lifestyle குரு பார்வை இருந்தால் திருமணம் நடந்துவிடுமா? ஜோதிடம் சொல்வது என்ன?
- Technology கம்பெனிக்கு கட்டுமா பாஸ்.. ரூ.10,999 போதும்.. 108MP கேமரா.. 8GB ரேம்.. புதிய itel போன் அறிமுகம்.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இந்து கடவுளை அவமதிக்கும் வகையில் போஸ்டர்.. மன்னிப்பு கேட்ட ஜகா பட இயக்குநர்!
சென்னை: இந்து கடவுளை அவமதிக்கும் வகையில் போஸ்டர் வெளியிட்டதற்காக ஜகா படத்தின் இயக்குநர் மன்னிப்பு கேட்டுள்ளார்.
கடந்த சில நாட்களாய் இந்து கடவுள்களை அவமதிக்கும் வகையில் சில திரைப்படங்கள் மற்றும் வெப் சீரிஸ்கள் வெளியாகி வருகிறது.
ஆரம்பத்திலேயே சூடுபிடித்த தமிழும் சரஸ்வதியும் சீரியல்.... தொடரில் ரசிகர்கள் ஆர்வம்
அந்த வகையில் இந்து கடவுள்களில் ஒன்றான சிவனை அவமதிக்கும் வகையில் போஸ்டர் ஒன்று வெளியாகி சர்ச்சைக்குள்ளானது.
ஜகா திரைப்படம்
அதாவது, ஆர்.விஜயமுருகன் இயக்கத்தில் உருவாகியுள்ள படம் ஜகா. இந்தப் படத்தில் மைம் கோபி, 'ஆடுகளம்' முருகதாஸ், வலினா உள்ளிட்ட பலர் நடித்துள்ளனர். ஒளிப்பதிவாளராக வி.ராஜசேகர், இசையமைப்பாளராக சாய் பாஸ்கர் ஆகியோர் பணிபுரிந்துள்ளனர்.
சிவனுக்கு ஆக்ஸிஜன் சிலிண்டர்
ஓம் டாக்கிஸ் நிறுவனம் இப்படத்தை தயாரித்துள்ளது. இந்நிலையில் இந்தப் படத்தின் டீஸர் மற்றும் ஃபர்ஸ்ட் லுக் போஸ்டர் கடந்த 11ஆம் தேதி வெளியிடப்பட்டது. இதில் இந்துக்கள் வணங்கும் சிவபெருமானுக்கு கொரோனா உள்ளது போல் முகக்கவசம், ஆக்சிஜன் சிலிண்டர் போன்றவைகளுடன் வடிவமைக்கப்பட்டிருந்தது.
போஸ்டருக்கு கண்டனம்
இதனால் ஜகா படத்தின் ஃபர்ஸ்ட் லுக் சர்ச்சைக்குள்ளானது. சமூக வலைதளங்களில் பலரும் இந்த ஃபர்ஸ்ட் லுக் போஸ்டருக்கு கண்டனம் தெரிவித்து வந்தனர். அதற்கு எதிர்ப்பு தெரிவித்தும் கருத்துக்களை பதிவிட்டு வந்தனர்.
இந்நிலையில் இது தொடர்பாக இயக்குநர் விஜயமுருகன் அறிக்கை ஒன்றை வெளியிட்டுள்ளார்.
நிறுவனத்தின் பெயரே ஓம் டாக்கிஸ்
அதில் அவர் கூறியிருப்பதாவது: "ஓம் டாக்கீஸ் தயாரிப்பு நிறுவனத்தின் முதல் படம் 'ஜகா'. ஜூலை 11-ம் தேதி எங்களது படத்தின் ஃபர்ஸ்ட் லுக் போஸ்டர் வெளியானது. அது பலரின் விவாதத்துக்கு உள்ளானது. அதுகுறித்து தெளிவுபடுத்தவே இந்த அறிக்கை. எங்களது தயாரிப்பு நிறுவனத்தின் பெயரே ஓம் டாக்கீஸ்.
சிவபெருமானை அவமதிப்போமா?
பாபநாசம் சிவன் கோயிலில் பூஜை போட்டுவிட்டுத்தான் படப்பிடிப்பையே தொடங்கினோம். அப்படியிருக்கும்போது சிவபெருமானை அவமதிப்போமா? கோவிட்-19 விழிப்புணர்வு நோக்கத்தில் வைக்கப்பட்ட காட்சிதான் அது. கொரோனா வழிகாட்டு நெறிமுறைகளை மீறக்கூடாது எனக் கடவுளே சொல்வது போன்றுதான் அந்த போஸ்டர்.
மலிவான விளம்பரம் இல்லை
சக மனிதர்கள் மூலம் விழிப்புணர்வு ஏற்படுத்துவதை விட, கடவுள் மூலம் விழிப்புணர்வு ஏற்படுத்தினால் நல்ல பலன் கிடைக்கும் என்ற எண்ணத்தில் தான் அந்த போஸ்டர் வடிவமைக்கப்பட்டது. படத்தில் எந்த இடத்திலும் கடவுள் அவமதிக்கப்படவில்லை. அதுபோன்ற எண்ணம் எப்போதும் எங்களுக்கு ஏற்படாது.மலிவான விளம்பரம் தேடும் விருப்பம் எங்கள் குழுவினருக்குத் துளியும் இல்லை.
மன்னிப்பு கோருகிறேன்
இருப்பினும் எந்தவித உள்நோக்கமும் இல்லாது செயல்பட்ட எங்களின் இத்தகைய செயல் பலரின் மனதைப் புண்படுத்தியது அறிந்து வருந்துகிறேன். அதற்காக மன்னிப்பு கோருவதோடு கொரோனா இல்லாத உலகம் அமைய எல்லாம் வல்ல இறைவனை வேண்டுகிறேன்". இவ்வாறு இயக்குநர் விஜயமுருகன் தனது அறிக்கையில் தெரிவித்துள்ளார்.