ஜெய் – ஸ்வாதி ஜோடி சேரும் வடகறி

பிரபலமான ஜெய்

சுப்ரமணியபுரம் படத்திற்குப் பின்னர் ஜெய், கோவா, எங்கேயும் எப்போதும் உள்ளிட்ட பல படங்களில் நடித்தார். இப்போது திருமணம் என்னும் நிக்ஹாக் படம் பரபரப்பாக தயாராகிவருகிறது.

போராளியில் ஸ்வாதி

ஸ்வாதி, சுப்ரமணியபுரம் படத்திற்குப் பின்னர் போராளியில் சசிகுமார் ஜோடியாக நடித்தார். அதன்பின்னர் தமிழில் சொல்லிக்கொள்ளும் படியாக படங்கள் அமையவில்லை. தற்போது விஜய் சேதுபதி ஜோடியாக இதற்குத்தானே ஆசைப்பட்டாய் படத்தில் நடித்து வருகிறார்.

கண்கள் இரண்டால்….

சுப்ரமணியபுரம் படத்தில் ஜெய் - ஸ்வாதி ஜோடி ரசிகர்களை கவர்ந்தது. குறிப்பாக கண்கள் இரண்டால் பாடல் சூப்பர் ஹிட் ஆக அவர்களின் கெமிஸ்ட்ரிதான் காரணம் என்ற பேச்சு இருந்தது. இப்போது 5 ஆண்டுகளுக்குப் பின்னர் இந்த ஜோடி மீண்டும் வடகறி படத்தின் மூலம் இணைகின்றனர்.

தயாநிதி அழகிரி தயாரிப்பு

சரவணராஜன் இயக்கும் வடகறி திரைப்படத்தை தயாநிதி அழகிரி தயாரிக்கிறார். கொலவெறி அனிருத் இசையமைக்கிறார். மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு விறுவிறுப்பாக நடந்து வருகிறது.