Don't Miss!
- Technology மிரளுது டிஸ்கவுண்ட்.. முழுசா ரூ.12000 கட்.. அடிமட்ட ரேட்டில் ஃபிளிப் போன்.. 3D கர்வ்ட் டிசைன்.. எந்த மாடல்?
- News சென்னை தடுமாறுவது ஏன்? 47 வகையான முயற்சிகளை செய்ததால் தான் இந்த வாக்குப்பதிவே : ஜெ.ராதாகிருஷ்ணன்
- Automobiles வெறும் 136 பேர் தான் இந்த காரை வாங்கியிருக்காங்க! நல்ல காரா இருந்தாலும் மக்கள் வெறுக்க காரணம் இது தான்!
- Finance எலான் மஸ்க் முடிவால்.. முக்கிய நிகழ்ச்சி ரத்து.. ஸ்டார்ட்அப் நிறுவனங்கள் சோகம்..!!
- Sports IPL 2024 : ஐபிஎல் வரலாற்றிலேயே எந்த விக்கெட் கீப்பரும் செய்யாத பிரம்மாண்ட சாதனையை செய்த தோனி
- Lifestyle இந்த 4 ராசிக்காரர்களில் ஒருவர் உங்க நண்பராக இருந்தா நீங்க வாழக்கையில் எதுக்குமே கவலைப்பட வேணாமாம்...!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
52 வயதிலும் ஹீரோயின்களுக்கு டஃப் கொடுக்கும் ராஜமாதா.. ஜெயிலர் ரம்யா கிருஷ்ணனின் லேட்டஸ்ட் க்ளிக்ஸ்!
சென்னை: இயக்குநர் நெல்சன் இயக்கத்தில் ரஜினிகாந்தின் நடிப்பில் உருவாகி வரும் ஜெயிலர் படத்தில் முக்கிய கதாபாத்திரத்தில் நடித்து வரும் ரம்யா கிருஷ்ணனின் லேட்டஸ்ட் போட்டோஷூட் புகைப்படங்கள் வெளியாகி உள்ளன.
#RamyaKrishnan என்கிற ஹாஷ்டேக்கையே பதிவிட்டு ரசிகர்கள் இந்தியளவில் டிரெண்ட் செய்து வருகின்றனர்.
50 வயதை கடந்த நிலையில், அழகும், ஸ்டைலும் அப்படியே மாறாமல் இளம் நடிகைகளுக்கே டஃப் போட்டி கொடுத்து வருகிறார் இந்த ராஜமாதா சிவகாமி தேவி.
கோவில் அழகா நீ அழகா தெரியவில்லை கண்ணே..ரம்யா பாண்டியனை பார்த்து மயங்கிப்போன ரசிகர்கள்!
அம்மன் கதாபாத்திரங்களில்
செளந்தர்யா நடிப்பில் தெலுங்கு மற்றும் தமிழில் வெளியான அம்மன் படத்தில் அம்மனாக நடித்து அனைவரையும் ஆச்சர்யப்பட வைத்தவர் நடிகை ரம்யா கிருஷ்ணன். அதன் பிறகு ராஜகாளியம்மன், நாகேஸ்வரி, ஸ்ரீராஜ ராஜேஸ்வரி உள்ளிட்ட படங்கள் ரம்யா கிருஷ்ணனுக்காகவே தயாரிக்கப்ப்பட்டன.
நீலம்பரி ரிட்டர்ன்ஸ்
அம்மன் கதாபாத்திரங்களில் பெயர் பெற்று வந்த ரம்யா கிருஷ்ணன் கே.எஸ். ரவிகுமார் இயக்கத்தில் ரஜினிகாந்த் நடித்த படையப்பா படத்தில் நீலம்பரி கதாபாத்திரத்தில் வில்லியாக நடித்து மிரட்டி மிகப்பெரிய அளவில் ரசிகர்கள் மத்தியில் இடம்பிடித்தார். பாபா படத்திலும், நீலாம்பரியாக ஒரு காட்சியில் நடித்திருந்த ரம்யா கிருஷ்ணன் பல ஆண்டுகளுக்கு பிறகு மீண்டும் ஜெயிலர் படத்தில் ரஜினியுடன் இணைந்து நடித்து வருகிறார்.
ராஜமாதா
நீலம்பரி கதாபாத்திரம் ரம்யா கிருஷ்ணனுக்கு இந்தியளவில் புகழைத் தேடி தந்தது என்று சொன்னால், பாகுபலி படத்தில் அவர் நடித்த சிவகாமி தேவி கதாபாத்திரம் ராஜாமாதாவாக அவருக்கு உலகளவில் புகழைத் தேடித் தந்தது. சினிமாவில் எந்தளவுக்கு பிசியாக இருக்கிறாரோ அதே அளவுக்கு சின்னத்திரை ரியாலிட்டி ஷோக்களிலும் நடுவராக பங்கேற்று மாஸ் காட்டி வருகிறார். பிக் பாஸ் ஜோடிகள் நிகழ்ச்சியில் நடுவராக இருந்து வரும் ரம்யா கிருஷ்ணன், கமலுக்கு பதிலாக ஒரு பிக் பாஸ் எபிசோடையும் தொகுத்து வழங்கி இருந்தது குறிப்பிடத்தக்கது.
ஃபேஷனில் ஆர்வம்
நடிப்பை தாண்டி 51 வயதாகும் நடிகை ரம்யா கிருஷ்ணன் இப்பவும் ஃபேஷனில் அதிக ஆர்வம் செலுத்தி வருகிறார். இந்நிலையில், அவர் தனது இன்ஸ்டாகிராம் பக்கத்தில் சமீபத்தில் எடுத்த போட்டோஷூட் புகைப்படங்களை பதிவிட்டு ரசிகர்களுக்கு இன்பதிர்ச்சி கொடுத்துள்ளார். பிங்க் நிற சேலையில் பக்காவாக போஸ் கொடுத்து ரசிகர்களை கிறங்கடித்துள்ளார் ரம்யா கிருஷ்ணன்.
டிரெண்டிங்கில் ரம்யா கிருஷ்ணன்
தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் 260க்கும் மேற்பட்ட படங்களில் நடித்த ரம்யா கிருஷ்ணன் தற்போது போட்டோக்களை வெளியிட்ட நிலையில், #RamyaKrishnan ஹாஷ்டேக்கை போட்டு அவரது ரசிகர்கள் டிரெண்ட் செய்து வருகின்றனர். கடைசியாக விஜய் தேவரகொண்டாவின் லைகர் படத்தில் அம்மாவாக நடித்து அசத்தி இருந்தார் ரம்யா கிருஷ்ணன் என்பது குறிப்பிடத்தக்கது.
52வது பிறந்தநாள்
1970ம் ஆண்டு செப்டம்பர் 15ம் தேதி பிறந்த நடிகை ரம்யா கிருஷ்ணன் இன்று தனது 52வது பிறந்தநாளை கொண்டாடி வருகிறார். பிறந்தநாளை முன்னிட்டுத் தான் இப்படி போட்டோக்களை வெளியிட்டு டிரெண்டாக்கி உள்ளார். சினிமா பிரபலங்களும், ரசிகர்களும் அவருக்கு வாழ்த்துக்களை தெரிவித்து வருகின்றனர். ஓடிடியில் புதிதாக ஒளிபரப்பாகவுள்ள நடன நிகழ்ச்சியிலும் நடுவராக பங்கேற்க உள்ளார் ரம்யா கிருஷ்ணன்.