வானவில் வாழ்க்கை... சபாஷ் சரியான போட்டி!

ஜேம்ஸ் வசந்தன்

'வானவில் வாழ்கை' அத்தகைய ஒரு படம் என்கிறார் ஜேம்ஸ் வசந்தன். மொத்தம் 17 பாடல்கள் அமைந்துள்ள இப்படத்தை இசையமைத்து இயக்குனராக அறிமுகமாகிறார் ஜேம்ஸ் வசந்தன். இப்படத்தில் வரும் அனைத்து பாடல்களையும் படத்தில் நடித்தவர்களே பாடுவது இன்னொரு விசேஷம்.

இசைக்குழுக்களின் போட்டி

படம் குறித்து ஜேம்ஸ் வசந்தன் கூறுகையில், "இரண்டு கல்லூரியின் இசைக் குழுக்கள் இடையே நடக்கும் போட்டித்தான் கதை. இசைக் குழுக்களில் இருக்கும் நபர்களே படத்தின் பிரதான 11 கதாபாத்திரங்கள். இவர்களே பாடல்களை பாடி நடித்திருக்கிறார்கள், ஆங்கிலத்தில் இவ்வகை படங்களை மியுசிக்கல் ஃபிலிம் என்பார்கள். கல்லூரி காலத்திலிருந்தே பாடல்கள் நிறைந்த ஒரு மியுசிக்கல் படத்தை இயக்குவதை பெரும் லட்சியமாகக் கொண்டு இருந்தேன், கல்லூரி மாணவர்களுக்கு இந்த படம் நிச்சயம் பிடிக்கும்" என்றார்.

17 பாடல்கள்

"நடிப்பு, பாடல், இசைக்கருவி வாசித்தல் என பன்முகம் கொண்ட இளமை ததும்பும் 11 கலைஞர்களை 2 ஆண்டுகள் தேடிப் பிடித்து நடிக்க வைத்துள்ளோம். சிறு, குறு, பெரியது என கதைக்கொன்றிய 17 பாடல்களை இசையமைத்தும் இருக்கிறேன்.

காதலர் தினத்தில்

நான் அறிமுகம் செய்யும் இந்த இளைய திறமைகள் நிச்சயம் பெரிய அளவில் வளர்ந்து ஜொலிப்பார்கள். இப்படம் ஃபிப்ரவரி 13அன்று காதலர் தின கொண்டாட்டமாக வெளிவரும்," என்றார் ஜேம்ஸ் வசந்தன்.