பிக் பாஸ் ஜனனியின் முதல் சம்பளம் எவ்வளவு தெரியுமா?: தெரிந்தால் 'ஷாக்' ஆயிடுவீங்க

டாஸ்க்

பிக் பாஸ் வீட்டில் கோல்கேட் புன்னகை டாஸ்கில் தங்களின் சிறந்த புன்னகை பற்றி போட்டியாளர்கள் தெரிவிக்க வேண்டும். அப்போது தான் ஜனனி தன்னால் மறக்க முடியாத சிறந்த புன்னகை எதுவென்று தெரிவித்தார். மேலும் தனது முதல் சம்பளம் எவ்வளவு என்றும் அப்பொழுது கூறினார். ஜனனி மாடலிங் செய்து வாங்கிய முதல் சம்பளத்தை கேட்டு நிச்சயம் ரசிகர்கள் வியந்திருப்பார்கள்.

சம்பளம்

ஜனனிக்கு மாடலிங் தொழில் மூலம் கிடைத்த முதல் சம்பளம் ரூ. 2, 500 ஆகும். அதையும் அவர் தனக்காக செலவு செய்யவில்லை. ஜனனியின் வீட்டில் வேலை பார்த்த ஒருவர் தனது மகனின் டியூஷன் ஃபீஸை கட்ட முடியாமல் இருந்தாராம். உடனே ஜனனி தனது முதல் சம்பளத்தை அந்த பையனுக்கு டியூஷன் ஃபீஸ் கட்டக் கொடுத்துள்ளார். தனது முதல் சம்பளத்தை நல்ல காரியத்திற்காக கொடுத்ததை நினைக்கும் போது எல்லாம் தன் முகத்தில் வரும் புன்னகையே சிறந்தது என்றார் ஜனனி.

கோலிவுட்

பிக் பாஸ் வீட்டில் இருந்து சென்ற பிறகு ஜனனிக்கு நிறைய பட வாய்ப்புகள் கிடைக்கும் என்று எதிர்பார்க்கப்படுகிறது. அவர் நடிக்க வந்து இத்தனை ஆண்டுகள் ஆகியும் முன்னணி நடிகை என்ற அந்தஸ்து கிடைக்கவில்லை. இனியாவது அவருக்கு அந்த அந்தஸ்து கிடைக்கட்டும் என்று ரசிகர்கள் விரும்புகிறார்கள். பிக் பாஸுக்கு பிறகு ஜனனியின் சினிமா வாழ்க்கை எப்படி மாறுகிறது என்பதை பொறுத்திருந்து பார்ப்போம்.

தாடி பாலாஜி

பிக் பாஸ் 2 வீட்டில் ஜனனியால் சண்டை சச்சரவு எதுவும் வந்தது இல்லை. மகத்துக்கு நல்ல தோழியாக இருந்து அறிவுரை வழங்கினார். ஆனால் மகத் ஜனனியை கண்டுகொள்ளவில்லை. தாடி பாலாஜி மீது பாசம் வைத்துள்ளார் ஜனனி. அவரை தனது மகள் போன்று பார்ப்பதாக கூறி வருகிறார் பாலாஜி. இந்நிலையில் ஜனனிக்காக அவர் மொட்டையும் அடித்துள்ளார் என்பது குறிப்பிடத்தக்கது.