தென்னிந்தியாவுல இந்த நடிகரோட நடிக்கத்தான் ஜான்விக்கு ஆசையாம்.. யார் அந்த ஹீரோ தெரியுமா?

பாலிவுட் முன்னணி நடிகை

பாலிவுட்டில் கடந்த 2017ல் நடிகையாக அறிமுகமான ஜான்வி கபூர், தொடர்ந்து தற்போது முன்னணி நடிகையாக மாறியுள்ளார். இளம் நடிகைகளில் இவர் சிறப்பான இடத்தை பிடித்துள்ளார். இவரது நடிப்பில் கடந்த வாரத்தில் குட் லக் ஜெர்ரி படம் நேரடியாக ஓடிடியில் வெளியாகி கலவையான விமர்சனங்களை பெற்றுள்ளது.

குட் லக் ஜெர்ரி படம்

இந்தப் படத்தில் ஜான்வியின் நடிப்பு சிறப்பான விமர்னங்களை பெற்றது. நடிகை நயன்தாராவும் ஜான்விக்கு வாழ்த்து தெரிவித்திருந்தார். தமிழில் கோலமாவு கோகிலா என்ற பெயரில் நயன்தாரா நடித்திருந்த இந்தப் படம் கடந்த 2018ல் வெளியானது. இதனிடையே இந்த கோகிலா என்ற கேரக்டர் தனது மனதிற்கு நெருக்கமானது என்று நயன்தாரா குறிப்பிட்டுள்ளார்.

நயன்தாரா பாராட்டு

மேலும் குட் லக் ஜெர்ரியில் ஜான்வியின் நடிப்பு சிறப்பாக இருந்ததாகவும் அந்த கேரக்டரில் அவரைத் தவிர யாராலும் சிறப்பாக பொருந்தியிருக்க முடியாது என்றும் நயன்தாரா ஜான்விக்கு பாராட்டு தெரிவித்ததாக ஜான்வி தெரிவித்துள்ளார். பாலிவுட்டில் சிறப்பான நடிகையாக வலம்வரும் ஜான்வி தன்னுடைய அழகு மற்றும் கவர்ச்சியால் ரசிகர்களை கட்டிப் போட்டு வருகிறார்.

தென்னிந்திய மொழிகளில் நடிக்க விருப்பம்

ஜான்வியின் தந்தை போனி கபூரும் தற்போது அடுத்தடுத்த தென்னிந்திய மொழிப் படங்களை தயாரித்து வருகிறார். குறிப்பாக தமிழ்ப் படங்களில் அதிக கவனம் செலுத்தி வருகிறார். இந்நிலையில் தென்னிந்திய மொழிகளிலும் ஜான்வி விரைவில் நாயகியாக அறிமுகமாக அதிக வாய்ப்புகள் உள்ளது.

ஜூனியர் என்டிஆருடன் நடிக்க விருப்பம்

இதனிடையே தென்னிந்திய மொழிகளில் தான் நடிக்க ஆர்வமாக இருப்பதாகவும் ஜூனியர் என்டிஆருடன் இணைந்து நடிக்க விரும்புவதாகவும் தன்னுடைய சமீபத்திய பேட்டியில் ஜான்வி கபூர் தெரிவித்துள்ளார். ஜூனியர் என்டிஆர் ஒரு லெஜண்ட் என்றும் அவருடன் இணைந்து நடிக்க தனக்கு இன்னும் வாய்ப்பு கிடைக்கவில்லை என்றும் அவர் வருத்தம் தெரிவித்துள்ளார்.