Don't Miss!
- News பெண் துணை தாசில்தார் அளித்த புகார்.. மத்திய இணையமைச்சர் எல் முருகன் மீது அதிரடி வழக்கு! புது சிக்கல்
- Finance தங்கம் விலை ஓரே நாளில் 1400 ரூபாய் உயர்வு.. முதல் முறையாக ரூ.51000 தொட என்ன காரணம்..?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Automobiles பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
யட்சன், ஸ்ட்ராபெரியை பின்னுக்குத்தள்ளி வசூலில் கலக்கும் 'தனி ஒருவன்'
சென்னை: கடந்த வாரம் வெளியான யட்சன் மற்றும் ஸ்ட்ராபெரி போன்ற படங்களை பின்னுக்குத்தள்ளி வசூலில் இன்னும் முதலிடத்தில் இருக்கிறது ஜெயம் ரவியின் தனி ஒருவன் திரைப்படம்.
வெளியாகி 3 வாரங்கள் கடந்தும் கூட இன்னும் வசூலில் மற்ற மொழிப் படங்கள் மற்றும் தமிழ்ப்படங்கள் அனைத்திற்கும் வசூலில் பலத்த போட்டியை கொடுத்து வருகிறது தனி ஒருவன் திரைப்படம்.
சென்னை பாக்ஸ் ஆபீஸில் முன்னணி வகிக்கும் படங்களின் வசூல் நிலவரங்களைப் பற்றி இங்கே பார்க்கலாம்.
தனி ஒருவன்
ஆகஸ்ட் 28 ம் தேதி வெளியாகிய தனி ஒருவன் திரைப்படம் தொடர்ந்து வசூலில் சாதனை படைத்து வருகிறது. படம் வெளியாகி 18 தினங்கள் தாண்டியும் கூட இன்னும் 90% அதிகமான திரையரங்குகள் நிரம்பி வழிகின்றன. இதனால் திரையரங்க உரிமையாளர்களும் தனி ஒருவன் திரைப்படத்தைத் திரையிட ஆர்வம் காட்டி வருகின்றனர்.
சென்னையில் மட்டும்
கடந்த வாரம் சென்னையில் மட்டும் 174 காட்சிகள் திரையிடப்பட்டு சுமார் 75.75 லட்சங்களை வசூலித்து இருக்கிறது படம். சென்னையில் மட்டும் இதுவரை 4.86 கோடிகளை வசூலித்து சாதனை புரிந்திருக்கிறது படம்.
50 கோடி
தமிழ்நாடு முழுவதும் இதுவரை சுமார் 50 கோடிகளுக்கும் அதிகமாக வசூலித்து சாதனை புரிந்திருக்கிறது படம். சமீபத்தில் வெளியான யட்சன், ஸ்ட்ராபெரி மற்றும் பிளாக் பஸ்டர் படங்களில் ஒன்றான பாகுபலி ஆகிய படங்களை பின்னுக்குத்தள்ளி வசூலில் முன்னணியில் இருக்கிறது அரவிந்த் சாமி - ஜெயம் ரவியின் தனி ஒருவன்.
யட்சன்
ஆர்யா - கிருஷ்ணா கூட்டணியில் கடந்த வாரம் வெளியான யட்சன் திரைப்படம் 180 காட்சிகள் திரையிடப்பட்டு சுமார் 63.83 லட்சங்களை வசூலித்து இருக்கிறது.
வாசுவும் சரவணனும் ஒண்ணாப் படிச்சவங்க vs யட்சன்
ஆர்யாவின் வாசுவும் சரவணனும் ஒண்ணாப் படிச்சவங்க திரைப்படம் முதல் வாரத்தில் 165 காட்சிகள் திரையிடப்பட்டு 54.87 லட்சங்களை வசூலித்து இருந்தது. இந்த வசூலை ஒப்பிடும் போது யட்சன் திரைப்படம் ஆர்யாவிற்கு நல்ல ஒரு ஓபனிங்கைக் கொடுத்துள்ளது.
ஸ்ட்ராபெரி
கடந்த வாரம் வெளியான பா.விஜயின் ஸ்ட்ராபெரி திரைப்படம் 90 காட்சிகள் திரையிடப்பட்டு 17.08 லட்சங்களை வசூலித்திருக்கிறது.
வெற்றிகரமான 3 வது மாதம்
படம் வெளியாகி சுமார் 67 நாட்களைத் தாண்டி விட்டது, ஆனால் இன்னும் வசூல் குறையாமல் சென்னை பாக்ஸ் ஆபிசை ஆட்டிப் படைத்துக் கொண்டிருக்கிறது ராஜமௌலியின் பாகுபலி திரைப்படம். 10 வது வாரத்தில்(கடந்த வாரம்) 24 காட்சிகள் திரையிடப்பட்டு சுமார் 2.95 லட்சங்களை வசூலித்து இருக்கிறது படம். சென்னையில் மட்டும் இதுவரை சுமார் 8.23 கோடிகளை வசூலித்து சாதனை படைத்திருக்கிறது படம்.
தனி ஒருவன் வசூலில் இதே வேகத்தில் சென்றால் விரைவில் 100 கோடியை எட்ட வாய்ப்புள்ளது. ஜெயம் ரவி 100 கோடி கிளப்பில் இணைவாரா? பார்க்கலாம்.