அடப் பாவிகளா... ஜில்லாவுக்கு முன் மோகன்லால் நடிச்ச 320 படத்தையும் மறந்துட்டீங்களே!

எம்ஜிஆராக...

மலையாளத்தில் அவர் இணையற்ற நட்சத்திரம். எத்தனை எத்தனை புகழ்பெற்ற படங்களைத் தந்திருக்கிறார். அட தமிழிலும் அவர் அறிமுகம் அத்தனை மோசமில்லை. முதல் படத்திலேயே எம்ஜிஆராகத்தான் நடித்து அறிமுகமானார் (இருவர்). சிறைச்சாலையில் டாக்டர் கோவர்தனாக வாழ்ந்திருந்தார்.

மலையாள சூப்பர் ஸ்டார்

கமலுடன் உன்னைப் போல் ஒருவனில் சின்ஸியர் கமிஷனராக நடித்தார். அப்போதெல்லாம் அவரை மலையாள சூப்பர் ஸ்டார் மோகன்லால் என்றுதான் அழைத்து வந்தார்கள்.

ஜில்லாவால் வந்த சங்கடம்

அப்போதெல்லாம் நேராத சங்கடம். இப்போது ஜில்லாவில் விஜய்யுடன் நடித்த பிறகு ஏற்பட்டுவிட்டது மோகன்லாலுக்கு.

வெற்றிமாறன் விளம்பரங்களில்

அவர் மலையாளத்தில் நடித்த கர்மயோதா படம் தமிழில் டப் செய்யப்பட்டுள்ளதை நேற்றே சொல்லியிருந்தோம் அல்லவா... இந்தப் படத்தின் விளம்பரங்களில் மோகன் லாலுக்கு அடைமொழி என்ன தெரியுமா...

'ஜில்லா புகழ் மோகன் லால் நடிக்கும்...'

-திரும்ப தலைப்பை ஒரு முறை படிச்சிக்குங்க!