twitter
    For Quick Alerts
    ALLOW NOTIFICATIONS  
    For Daily Alerts

    ஐம்பது நாட்களைத் தொட்ட ஜில்லா, வீரம்... ஆனா...!

    By Shankar
    |

    சென்னை: விஜய் நடித்த ஜில்லா மற்றும் வீரம் படங்கள் 50 நாட்களைத் தொட்டுவிட்டதாக விளம்பரங்கள் வெளியாகியுள்ளன.

    ஆனால் இந்த விளம்பரங்களில் குறிப்பிடப்பட்டுள்ள தியேட்டர்கள் ஒன்றில்கூட இந்த இரண்டு படங்களுமே ஓடவில்லை என்பது குறிப்பிடத்தக்கது.

    Jilla and Veeram

    விஜய் நடிக்க, ஆர் நேசன் இயக்கத்தில் ஆர் பி சவுத்ரி தயாரித்த ஜில்லா படம், கடந்த பொங்கலுக்கு வெளியானது.

    அஜீத் நடிக்க, சிவா இயக்கத்தில் விஜயா புரொடக்ஷன்ஸ் தயாரித்த வீரம் படமும் பொங்கலன்று வெளியானது.

    ஆரம்பத்தில் இந்த இரு படங்களுக்குமே வசூல் குவிந்ததாக தயாரிப்பாளர்கள் தரப்பிலிருந்து தகவல் கிடைத்தன.

    ஆனால் ஒரு கட்டத்துக்குப் பிறகு, இந்த இரு படங்களிலிருந்துமே 'பைசா தேறவில்லை' என தயாரிப்பாளர் சங்கத் தலைவர் கேயாரே அறிவிக்கும் அளவுக்குப் போய்விட்டது நிலைமை.

    இந்த நிலையில் இரு படங்களும் 50 நாட்களைக் கடந்து ஓடுவதாக இன்றைய நாளிதழ்களில் விளம்பரங்கள் வெளியாகியுள்ளன.

    சரி, விளம்பரங்களில் குறிப்பிடப்பட்டுள்ள அரங்குகள் எதிலாவது இந்தப் படங்கள் ஓடுகின்றனவா என்று விசாரித்தால்... அதிர்ச்சி காத்திருந்தது.

    ஆம்.. இவர்கள் விளம்பரங்களில் போட்டுள்ள சத்யம், எஸ்கேப், அபிராமி, சங்கம், தேவி, மாயாஜால், ஐநாக்ஸ், பிவிஆர் என எந்த அரங்கிலுமே ஒரு காட்சி கூட இந்த இரு படங்களும் ஓடவில்லை!!

    English summary
    Jilla, Veeram movies reached 50 days today, but there is no single show is running in any theaters of both the films.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X